breaking news
അതി ശക്തമായ മഴയെ തുടർന്നു് വയനാട്, ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ബുധനാഴ്ച വരെ അതീവ ജാഗ്രത (റെഡ് അലർട്ട്) പ്രഖ്യാപിച്ചു. വയനാട്, ഇടുക്കി, ആലപ്പുഴ, എറണാകുളം, കോട്ടയം ജില്ലകളിൽ ഓഗസ്റ്റ് 17 വരെ അതിജാഗ്രതയും (ഓറഞ്ച് അലർട്ട്) പ്രഖ്യാപിച്ചിട്ടുണ്ട്. ************ നിയമസഭാ – ലോക്‌സഭാ തിരഞ്ഞെടുപ്പുകൾ ഒരുമിച്ച് നടത്തുന്ന കാര്യം ഇപ്പോൾ സാദ്ധ്യമല്ലെന്ന് കേന്ദ്ര തിരഞ്ഞെടുപ്പ് കമ്മിഷൻ വ്യക്തമാക്കി. ഇതിനായി ഭരണഘടനാ ഭേദഗതി ആവശ്യമാണെന്നും മുഖ്യതിരഞ്ഞെടുപ്പ് കമ്മിഷണർ ഒ.പി.റാവത്ത് പറഞ്ഞു. *********** ബുധനാഴ്‌ച നടക്കാനിരുന്ന നിറപുത്തരി ചടങ്ങുകൾക്കായി നെൽക്കതിരുകളുമായി സന്നിധാനത്തേക്ക് തിരിച്ച തന്ത്രിയുടെയും സംഘത്തിന്റെയും യാത്ര നിറുത്തിവച്ചു. ബുധനാഴ്‌ച വൈകിട്ട് ആറരയോടെ ഇവരെ വനംവകുപ്പ് ഉദ്യോഗസ്ഥരുടെ നേതൃത്വത്തിൽ പുല്ലുമേട്ടിൽ എത്തിച്ചെങ്കിലും പ്രതികൂല കാലാവസ്ഥയും കൂരിരിട്ടും കനത്ത മൂടൽമഞ്ഞും കാറ്റും കാരണം യാത്ര ഉപേക്ഷിക്കുകയായിരുന്നു. ഇതിന് ശേഷം രാത്രിയോടെ നീന്തൽ വിദഗ്‌ദ്ധരുടെ സഹായത്തോടെ ഏതാനും കറ്റകൾ സന്നിധാനത്ത് എത്തിച്ചു. ********** ഒക്‌ടോബര്‍ ഒന്നുമുതല്‍ ജി.പി.എസ് ഘടിപ്പിക്കാത്ത സ്‌കൂള്‍, കോളജ് ബസുകള്‍ നിരത്തില്‍ ഇറങ്ങാന്‍ അനുവദിക്കില്ലെന്ന് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചു. പദ്ധതി നടപ്പാക്കുന്നതിനും മേല്‍നോട്ടത്തിനുമായി സിഡാക്കുമായി ചേര്‍ന്ന് ‘സുരക്ഷാമിത്ര’ എന്ന പേരില്‍ വാഹനനിരീക്ഷണ സംവിധാനം ഏര്‍പ്പെടുത്തുകയും ചെയ്തിട്ടുണ്ട്. *************** സിനിമാ ചിത്രീകരണത്തിനിടെ തെന്നിന്ത്യന്‍ താരം അമല പോളിന് പരിക്കേറ്റു. തമിഴ് ചിത്രമായ അതോ അന്ത പറവൈക്കു വേണ്ടി ആക്ഷന്‍ ചെയ്യുന്നതിനിടയിലാണ് അമലക്കു പരിക്കേറ്റത്. കൈക്കു പരിക്കേറ്റ താരം ഇപ്പോള്‍ കൊച്ചിയില്‍ ചികിത്സയിലാണ്.

അഞ്ചലിൽ വയോധികയെ കൊലപ്പെടുത്തിയ കേസിലെ പ്രതിയെ തെളിവെടുപ്പിനായി കൊണ്ടുവന്നു

അഞ്ചലില്‍ വയോധികയെ കൊലപ്പെടുത്തിയ കേസിലെ അറസ്റ്റിലായ ആവണീശ്വരം സ്വദേശി ഉണ്ണികൃഷ്ണപിള്ളയെ തെളിവെടുപ്പിനായി കൊണ്ട് വന്നു.  ഏരൂര്‍ സ്വദേശിയായ ഭാരതിയെ 2005 ല്‍ ആണ് റബ്ബര്‍തോട്ടത്തില്‍ മരിച്ച നിലയില്‍ കണ്ടെത്തിയത്. 12 വര്‍ഷത്തിനു ശേഷമാണ് പ്രതി പിടിയിലായത്.

 

അഞ്ചല്‍ ഏരൂര്‍ സ്വദേശിനിയായ ഭാരതിയെ കൊലപ്പെടുത്തിയ കേസിലാണ് ഉണ്ണികൃഷ്ണപിള്ളയെ അറസ്റ്റ് ചെയ്തത്. 2005 ഏപ്രില്‍ 20നു വീടിനു സമീപത്തെ റബ്ബര്‍ തോട്ടത്തിലാണ് ഭാരതിയെ മരിച്ച നിലയില്‍ കണ്ടെത്തിയത്. തുടര്‍ന്ന് പോലീസ് നടത്തിയ അന്വേഷണത്തില്‍ കൊലപാതകമാണെന്ന് കണ്ടെത്തിയെങ്കിലും പ്രതിയെ പിടികൂടാന്‍ കഴിഞ്ഞില്ല.തുടര്‍ന്ന് 2015 ല്‍ ബന്ധുക്കള്‍ ക്രൈംബ്രാഞ്ചിന് പരാതി നല്‍കിയിരുന്നു.തുടർന്ന് നടത്തിയ അന്വേഷണത്തിലാണ് ആവണീശ്വരം സ്വദേശിയും ,ഭാരതിയുടെ അയല്‍വാസിയുമായ  ഉണ്ണികൃഷണപിള്ളയാണ് പ്രതിയെന്നു കണ്ടെത്തിയത്. തെട്ടയം തോണ്ടിറയില്‍ താമസിച്ചു വന്ന ഉണ്ണികൃഷ്ണപിള്ള പതിവായി മദ്യപിക്കുന്ന ആളാണ്‌. സംഭവ ദിവസം മദ്യപിച്ചെത്തിയ ഇയാള്‍ രാത്രി 9മണിയോടെ വീട്ടുമുറ്റത്ത്നിന്ന   ഭാരതിയെ ബലാല്‍ക്കാരമായി കടന്നുപിടിക്കുകയും വായ്‌പൊത്തി പിടിച്ച് സമീപത്തെ റബ്ബര്‍തോട്ടത്തിലേയ്ക്ക് വലിച്ചിഴച്ച് കൊണ്ടുപോയി പീഡിപ്പിക്കുകയുമാണുണ്ടായത്. ഇതിനിടെയാണ് ഭാരതി കൊല്ലപ്പെട്ടത്.

ക്രൈം ബ്രാഞ്ച് CI ജോണ്‍സണ്‍, അഞ്ചല്‍ C I  അഭിലാഷ് എന്നിവരുടെ നേതൃത്വത്തിലാണ് പ്രതിയെ തെളിവെടുപ്പിനായി കൊണ്ടുവന്നത്.

 

0 Comments

Leave a Comment

Login

Welcome! Login in to your account

Remember me Lost your password?

Lost Password