breaking news
യുവതിയെ പീഡിപ്പിച്ച കേസില്‍ ഓര്‍ത്തഡോക്സ് സഭയിലെ വൈദികന്‍ ജോബ് മാത്യുവിനെ 15 ദിവസത്തേക്ക് റിമാന്‍ഡുചെയ്തു. തിരുവല്ല മജിസ്ട്രേട്ടിന്റേതാണ് നടപടി. രാത്രി 7.30 ഓടെ മജിസ്ട്രേട്ടിനു മുന്നില്‍ ഹാജരാക്കാന്‍ എത്തിച്ച വൈദികനെ നാട്ടുകാര്‍ കൂകിവിളിച്ചു. കേസിലെ രണ്ടാം പ്രതിയാണ് ജോബ് മാത്യു. കൊല്ലത്തെ ഡിവൈഎസ്പി ഓഫീസിലെത്തി രാവിലെ 10.30 ഓടെ ജോബ് മാത്യു കീഴടങ്ങിയിരുന്നു.  * * * ലൈംഗിക പീഡനക്കേസില്‍ ആരോപണ വിധേയനായ ജലന്ധര്‍ ബിഷപ്പ് ഫ്രാങ്കോ മുളയ്ക്കലിനെ സംരക്ഷിച്ച് മിഷണറീസ് ഓഫ് ജീസസ് സന്ന്യാസിനി മഠം. ബിഷപ്പിനെതിരെ നടപടി എടുക്കാനാവില്ലെന്ന് വ്യക്തമാക്കിക്കൊണ്ട് മദര്‍ സുപ്പീരിയര്‍ ജനറല്‍ റജീന പരാതിക്കാരിയായ കന്യാസ്ത്രീയുടെ സഹോദരിക്ക് കത്തയച്ചു. * * * ആത്മീയ ദൗത്യ നിർവഹണത്തിൽ യാതൊരുവിധ വീഴ്‌ചയും വരാതിരിക്കാൻ വൈദികർ ബദ്ധശ്രദ്ധ ചെലുത്തണമെന്നും നിരന്തരമായ ആത്മപരിശോധന ആവശ്യമാണെന്നും ഓർത്ത‍‍ഡോക്സ് സഭാധ്യക്ഷൻ പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവാ. * * * കേരളത്തിന്റെ തീരദേശ മേഖലകളിൽ ശക്തമായ കാറ്റിന്​ സാധ്യതയുണ്ടെന്നും ജാഗ്രത പാലിക്കണമെന്നും കാലാവസ്ഥ നിരീക്ഷണ കേന്ദ്രം. കേരള തീരങ്ങളിൽ പടിഞ്ഞാറ് ദിശയിൽ നിന്നും മണിക്കൂറിൽ 35 മുതൽ 45 കിലോമീറ്റർ വേഗതയിലും ചില അവസരങ്ങളിൽ മണിക്കൂറിൽ 55 കിലോമീറ്റർ വേഗതയിലും കാറ്റടിക്കുവാൻ സാധ്യതയുണ്ടെന്നാണ്​ മുന്നറിയിപ്പ്​. * * * തിരുവനന്തപുരം ഗവ. ലോ കോളേജിൽ എസ്.എഫ്.ഐ- കെ.എസ്.യു സംഘർഷം. കെ.എസ്.യു പ്രവർത്തകരെ പൊലീസ് അറസ്റ്റ് ചെയ്ത് നീക്കി.ഇതിനിടെ പോലീസ് വാനിന് നേരെ എസ്.എഫ്.ഐ ആക്രമണം നടന്നു. കാമ്പസിൽ പോലീസ് സന്നാഹം നിലയുറപ്പിച്ചിട്ടുണ്ട്. * * * ലോ​ക്സ​ഭാ തെ​ര​ഞ്ഞെ​ടു​പ്പി​നു മു​മ്പെ ബി​ജെ​പി​ക്കെ​തി​രാ​യ മ​ഹാ​സ​ഖ്യ​ത്തി​നു സാ​ധ്യ​ത​യി​ല്ലെ​ന്ന് സി​പി​എം ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി. ലോ​ക്സ​ഭാ തെ​ര​ഞ്ഞെ​ടു​പ്പ് ഫ​ലം പു​റ​ത്തു​വ​ന്ന​തി​നു ശേ​ഷം മാ​ത്ര​മേ അ​ത്ത​ര​മൊ​രു സ​ഖ്യ​ത്തി​നുസാ​ധ്യ​ത​യു​ള്ളെ​ന്ന് അ​ദ്ദേ​ഹം പ​റ​ഞ്ഞു. * * *

സാധുക്കളായാൽ ഇങ്ങനെ തന്നെ

കൊട്ടാരക്കരയില്‍ റെയില്‍വേ സ്റ്റേഷന് സമീപം മരം കടപുഴകി വീണു വീട് ഭാഗികമായി തകര്‍ന്നു. കൊട്ടാരക്കര തച്ചന്‍ കുലാരത്ത്  വീട്ടില്‍ രാധാകൃഷ്ണന്‍ – ലതിക ദമ്പതികളുടെ വീടാണ് അയല്‍ വീട്ടിലെ മരം വീണു തകര്‍ന്നത്. സംഭവം അറിഞ്ഞിട്ടും, അധികൃതര്‍ യാതൊരു നടപടിയും സ്വീകരിച്ചിട്ടില്ലെന്നും, വീട്ടുടമസ്ഥന്‍ ദമ്പതികളോട് മോശമായി പെരുമാറിയെന്നും ആരോപണമുണ്ട്.

കഴിഞ്ഞ ദിവസങ്ങളിലുണ്ടായ ശക്തമായ മഴയെത്തുടര്‍ന്നാണ്‌ രാധാകൃഷ്ണന്‍റെയും ലതികയുടെയും വീട്ടിലേയ്ക്ക്മരം കടപുഴകി വീണത്. കഴിഞ്ഞ ദിവസം രാത്രിയോടെയാണ് വീടിനു മുകളിലേയ്ക്ക് അയല്‍ വീട്ടില്‍നിന്ന കൂറ്റന്‍ പാഴ്മരം വീണത്‌. വീടിനു സമീപത്തെ കിണറും, പട്ടിക്കൂടും പൂര്‍ണ്ണമായും, വീടിന്റെ മതില്‍ ഭാഗികമായും തകര്‍ന്നു. എന്നാല്‍, വിവരമറിഞ്ഞെത്തിയ നാട്ടുകാരും, രാധാകൃഷ്ണനും വീണമരം മുറിച്ചുമാറ്റണമെന്നവശ്യപ്പെട്ടു  വീട്ടുടമസ്ഥനായ ശ്രീനിവാസനെ സമീപിച്ചെങ്കിലും അയാൾ തയ്യാറായില്ല. അധികൃതർ സ്ഥലത്തെത്തി മരം മുറിച്ചു മാറ്റണമെന്ന് ഇയാള്‍ പറഞ്ഞതായി നാട്ടുകാർ ആരോപിക്കുന്നു. അപകടാവസ്ഥ മുന്നില്‍ കണ്ടു നിരവധി തവണ മരം മുറിച്ചുമാറ്റണമെന്നു ആവശ്യപ്പെട്ടെങ്കിലും അതിനു ശ്രീനിവാസന്‍ തയ്യാറായില്ലെന്നും മരം വീണതുമായി ബന്ധപ്പെട്ടു ചോദിക്കാനെത്തിയപ്പോള്‍  വീട്ടിലെ പട്ടിയെ അഴിച്ചുവിട്ടെന്നും പരാതിയുണ്ട്.

മരം കടപുഴകി വീണിട്ടും അത് മുറിച്ചുമാറ്റുന്നതിനോ നഷ്ട്ടകണക്കുകള്‍ വിലയിരുത്തുന്നതിനൊ പ്രദേശത്തെ കൌണ്‍സിലര്‍മാര്‍ അടക്കമുള്ളവര്‍ തിരിഞ്ഞു നോക്കാത്തത്തില്‍ നാട്ടുകാരുടെ പ്രതിഷേധം ശക്തമാണ്. പ്രാഥമികകൃത്യങ്ങള്‍ നിര്‍വ്വഹിക്കാനോ വീടിനുള്ളിലേയ്ക്ക് കടക്കാനോ വെള്ളം ഉപയോഗിക്കാനോ പോലും കഴിയാതെ  ദുരിതമനുഭവിക്കുകയാണ് ഈ ദമ്പതിമാര്‍.

 

0 Comments

Leave a Comment

Login

Welcome! Login in to your account

Remember me Lost your password?

Lost Password