breaking news
അതി ശക്തമായ മഴയെ തുടർന്നു് വയനാട്, ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ബുധനാഴ്ച വരെ അതീവ ജാഗ്രത (റെഡ് അലർട്ട്) പ്രഖ്യാപിച്ചു. വയനാട്, ഇടുക്കി, ആലപ്പുഴ, എറണാകുളം, കോട്ടയം ജില്ലകളിൽ ഓഗസ്റ്റ് 17 വരെ അതിജാഗ്രതയും (ഓറഞ്ച് അലർട്ട്) പ്രഖ്യാപിച്ചിട്ടുണ്ട്. ************ നിയമസഭാ – ലോക്‌സഭാ തിരഞ്ഞെടുപ്പുകൾ ഒരുമിച്ച് നടത്തുന്ന കാര്യം ഇപ്പോൾ സാദ്ധ്യമല്ലെന്ന് കേന്ദ്ര തിരഞ്ഞെടുപ്പ് കമ്മിഷൻ വ്യക്തമാക്കി. ഇതിനായി ഭരണഘടനാ ഭേദഗതി ആവശ്യമാണെന്നും മുഖ്യതിരഞ്ഞെടുപ്പ് കമ്മിഷണർ ഒ.പി.റാവത്ത് പറഞ്ഞു. *********** ബുധനാഴ്‌ച നടക്കാനിരുന്ന നിറപുത്തരി ചടങ്ങുകൾക്കായി നെൽക്കതിരുകളുമായി സന്നിധാനത്തേക്ക് തിരിച്ച തന്ത്രിയുടെയും സംഘത്തിന്റെയും യാത്ര നിറുത്തിവച്ചു. ബുധനാഴ്‌ച വൈകിട്ട് ആറരയോടെ ഇവരെ വനംവകുപ്പ് ഉദ്യോഗസ്ഥരുടെ നേതൃത്വത്തിൽ പുല്ലുമേട്ടിൽ എത്തിച്ചെങ്കിലും പ്രതികൂല കാലാവസ്ഥയും കൂരിരിട്ടും കനത്ത മൂടൽമഞ്ഞും കാറ്റും കാരണം യാത്ര ഉപേക്ഷിക്കുകയായിരുന്നു. ഇതിന് ശേഷം രാത്രിയോടെ നീന്തൽ വിദഗ്‌ദ്ധരുടെ സഹായത്തോടെ ഏതാനും കറ്റകൾ സന്നിധാനത്ത് എത്തിച്ചു. ********** ഒക്‌ടോബര്‍ ഒന്നുമുതല്‍ ജി.പി.എസ് ഘടിപ്പിക്കാത്ത സ്‌കൂള്‍, കോളജ് ബസുകള്‍ നിരത്തില്‍ ഇറങ്ങാന്‍ അനുവദിക്കില്ലെന്ന് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചു. പദ്ധതി നടപ്പാക്കുന്നതിനും മേല്‍നോട്ടത്തിനുമായി സിഡാക്കുമായി ചേര്‍ന്ന് ‘സുരക്ഷാമിത്ര’ എന്ന പേരില്‍ വാഹനനിരീക്ഷണ സംവിധാനം ഏര്‍പ്പെടുത്തുകയും ചെയ്തിട്ടുണ്ട്. *************** സിനിമാ ചിത്രീകരണത്തിനിടെ തെന്നിന്ത്യന്‍ താരം അമല പോളിന് പരിക്കേറ്റു. തമിഴ് ചിത്രമായ അതോ അന്ത പറവൈക്കു വേണ്ടി ആക്ഷന്‍ ചെയ്യുന്നതിനിടയിലാണ് അമലക്കു പരിക്കേറ്റത്. കൈക്കു പരിക്കേറ്റ താരം ഇപ്പോള്‍ കൊച്ചിയില്‍ ചികിത്സയിലാണ്.

ആചാര – അനുഷ്ഠാനങ്ങളോടെ പിതൃതർപ്പണം

ജില്ലയിലെ സ്റ്റാനഘട്ടങ്ങളിൽ പിതൃതർപ്പണം നടന്നു. ആചാര – അനുഷ്ഠാനങ്ങളിൽ ഏറെ പ്രാധാന്യം അർഹിക്കുന്നതാണ് പിതൃതർപ്പണം.കുടുംബത്തിന്റെ ഐശ്വര്യത്തിനും തലമുറകളുടെ ശ്രേയസിനും വേണ്ടിയാണ് ബലിതർപ്പണം നടത്തുന്നത്.

ഈ വർഷത്തെ കർക്കിടക വാവ് ശനിയാഴ്ച വൈകിട്ട് 7.30 ന് ആരംഭിച്ച് ഞായറഴ്ച ഉച്ചയ്ക്ക് 3 മണിയോടെ അവസാനിച്ചു. ജില്ലയിൽ പ്രധാനമായും തിരുമുല്ലാ വാരത്തും മുണ്ടക്കൽ പാപനാശത്തും അഷ്ടമുടിയിലും തുടങ്ങി വിവിധ സ്റ്റാനഘട്ടങ്ങളിൽ ബലിതർപ്പണം നടന്നു. ആചാര – അനുഷ്ഠാനങ്ങൾ വളരെ പ്രധാനപ്പെട്ടതാണ്. പിതൃ പ്രീതികൊണ്ട് കുടുംബ അംഗങ്ങളിൽ ദീർഘായുസ്, സൽസന്താനം, ധനം, വിദ്യ, സ്വർഗ്ഗം, മോക്ഷം, സുഖം മുതലായ ഗുണങ്ങൾ ലഭിക്കും.

ഏകോദിഷ്ടം, പാർവ്വണം എന്നിങ്ങനെ രണ്ട് രീതിയിൽ ബലികർമ്മങ്ങൾ ഉണ്ട്.ഒരാളെ ഉദ്ദേശിച്ച് മാത്രം കർമ്മം ചെയ്യുന്നതിന് ഏകോദിഷ്ടമെന്ന് പറയും .കൂടുതൽ ആളുകളെ ഉദ്ദേശിച്ച് ചെയ്യുന്ന ബലികർമ്മമാണ് പാർവ്വണം. ഒരാൾ ഈ രണ്ട് വിധത്തിലുള്ള ബലികർമ്മങ്ങളും ചെയ്യേണ്ടതാണ്. മാതാ -പിതാ – ഗുരു- ദൈവം എന്ന മഹത്തായ ഭാരതീയ തത്വമനുസരിച്ച് ദേവാരാധനയെക്കാൾ പിതൃകർമ്മത്തിന് വളരെയേറെ പ്രാധാന്യമുണ്ട്. എള്ള് (തില)ചേർത്ത ജലം കൊണ്ട് മൂന്ന് തവണ അജ്ഞലി നടത്തി, സൂര്യ ഭഗവാനെ വണങ്ങി, എല്ലാം അവിടുത്തേക്ക് സമർപ്പിച്ചാണ് തർപ്പണം ചെയ്യുന്നത്.ശ്രാദ്ധത്തിന് ചെയ്യുന്ന പിണ്ഡത്തിന്റെ സാരാംശം സൂര്യകിരണങ്ങളിലൂടെ സൂര്യ ലോകത്ത് എത്തുകയും പിതൃക്കള് അവ സ്വീകരിക്കുകയും ചെയ്യുമെന്നാണ് സങ്കല്പം.പിതൃ ക്രിയകൾ ചെയ്യാൻ എല്ലാ സ്റ്റാനഘട്ടത്തോട് അടുപ്പിച്ചും വിപുലമായ സംവിധാനങ്ങളാണ് ഒരുക്കിയിരുന്നത്. തിരുമുല്ലാവാരത്ത് ജില്ലാ ഭരണകൂടത്തിന്റെ നേതൃത്വത്തിൽ സുശക്തമായ എല്ലാ ക്രമീകരണങ്ങളും നടപ്പിൽ വരുത്തിയാണ് ബലിതർപ്പണത്തിന് അവസരമൊരുക്കിയത്.

 

0 Comments

Leave a Comment

Login

Welcome! Login in to your account

Remember me Lost your password?

Lost Password