breaking news
അതി ശക്തമായ മഴയെ തുടർന്നു് വയനാട്, ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ബുധനാഴ്ച വരെ അതീവ ജാഗ്രത (റെഡ് അലർട്ട്) പ്രഖ്യാപിച്ചു. വയനാട്, ഇടുക്കി, ആലപ്പുഴ, എറണാകുളം, കോട്ടയം ജില്ലകളിൽ ഓഗസ്റ്റ് 17 വരെ അതിജാഗ്രതയും (ഓറഞ്ച് അലർട്ട്) പ്രഖ്യാപിച്ചിട്ടുണ്ട്. ************ നിയമസഭാ – ലോക്‌സഭാ തിരഞ്ഞെടുപ്പുകൾ ഒരുമിച്ച് നടത്തുന്ന കാര്യം ഇപ്പോൾ സാദ്ധ്യമല്ലെന്ന് കേന്ദ്ര തിരഞ്ഞെടുപ്പ് കമ്മിഷൻ വ്യക്തമാക്കി. ഇതിനായി ഭരണഘടനാ ഭേദഗതി ആവശ്യമാണെന്നും മുഖ്യതിരഞ്ഞെടുപ്പ് കമ്മിഷണർ ഒ.പി.റാവത്ത് പറഞ്ഞു. *********** ബുധനാഴ്‌ച നടക്കാനിരുന്ന നിറപുത്തരി ചടങ്ങുകൾക്കായി നെൽക്കതിരുകളുമായി സന്നിധാനത്തേക്ക് തിരിച്ച തന്ത്രിയുടെയും സംഘത്തിന്റെയും യാത്ര നിറുത്തിവച്ചു. ബുധനാഴ്‌ച വൈകിട്ട് ആറരയോടെ ഇവരെ വനംവകുപ്പ് ഉദ്യോഗസ്ഥരുടെ നേതൃത്വത്തിൽ പുല്ലുമേട്ടിൽ എത്തിച്ചെങ്കിലും പ്രതികൂല കാലാവസ്ഥയും കൂരിരിട്ടും കനത്ത മൂടൽമഞ്ഞും കാറ്റും കാരണം യാത്ര ഉപേക്ഷിക്കുകയായിരുന്നു. ഇതിന് ശേഷം രാത്രിയോടെ നീന്തൽ വിദഗ്‌ദ്ധരുടെ സഹായത്തോടെ ഏതാനും കറ്റകൾ സന്നിധാനത്ത് എത്തിച്ചു. ********** ഒക്‌ടോബര്‍ ഒന്നുമുതല്‍ ജി.പി.എസ് ഘടിപ്പിക്കാത്ത സ്‌കൂള്‍, കോളജ് ബസുകള്‍ നിരത്തില്‍ ഇറങ്ങാന്‍ അനുവദിക്കില്ലെന്ന് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചു. പദ്ധതി നടപ്പാക്കുന്നതിനും മേല്‍നോട്ടത്തിനുമായി സിഡാക്കുമായി ചേര്‍ന്ന് ‘സുരക്ഷാമിത്ര’ എന്ന പേരില്‍ വാഹനനിരീക്ഷണ സംവിധാനം ഏര്‍പ്പെടുത്തുകയും ചെയ്തിട്ടുണ്ട്. *************** സിനിമാ ചിത്രീകരണത്തിനിടെ തെന്നിന്ത്യന്‍ താരം അമല പോളിന് പരിക്കേറ്റു. തമിഴ് ചിത്രമായ അതോ അന്ത പറവൈക്കു വേണ്ടി ആക്ഷന്‍ ചെയ്യുന്നതിനിടയിലാണ് അമലക്കു പരിക്കേറ്റത്. കൈക്കു പരിക്കേറ്റ താരം ഇപ്പോള്‍ കൊച്ചിയില്‍ ചികിത്സയിലാണ്.

മുഖ്യമന്ത്രിയുടെ ധാർഷ്ട്യത്തിന് മുന്നിൽ…

മുഖ്യമന്ത്രി പിണറായി വിജയന്റെ ധാർഷ്ട്യത്തിന് മുന്നിൽ മാധ്യമ പ്രവർത്തകർ തീർത്തും പകച്ചു പോയി.പഛപുച്ചമടക്കി നാണംകെട്ട് സ്തബ്ദരായി ഇറങ്ങേണ്ടി വന്നു. വല്ലാത്ത ദുര്യോഗം തന്നെ.രാഷ്ട്രീയ വൈരികർ എന്ന് കരുതുന്നവർ കാര്യത്തോടടുത്തപ്പോൾ തോളോട് തോൾ ചേർന്നത് ഇനിയെങ്കിലും അനുഭവ പാഠമാക്കേണ്ടതാണ്. ഇതല്ലേ യഥാർത്ഥ രാഷ്ട്രീയം?രാഷ്ട്രീയത്തിന്റെ പേരിൽ ബലിയാടാകുന്നവർ എപ്പോഴും വിസ്മരിക്കുന്നത് മറ്റുള്ളവർ ഇനിയെങ്കിലും ഓർക്കുന്നത് നന്ന്.അവസരത്തിനൊത്ത് ഏത് വൃത്തികെട്ട പ്രവർത്തിയും കാണിക്കാൻ മടിക്കാത്തവരാണ് എല്ലാ രാഷ്ട്രീയക്കാരുമെന്ന് ഇനിയെങ്കിലും സ്മരിക്കുക. ഇപ്പോൾ മാധ്യമങ്ങൾക്ക് വേണ്ടത് “സെൻസേഷണൽ ന്യൂസുകളാണ് “. വ്യക്തമായി പറഞ്ഞാൽ ന്യൂസിന് വേണ്ടി ന്യൂസ് ഉണ്ടാക്കുക എന്നർത്ഥം. അഭിഭാഷകരുമായി ഏറ്റുമുട്ടി.ഒടുവിൽ എന്തായി? പരിഹാരമായോ? അല്ലെങ്കിൽ, ഈ പറയുന്ന ഏതെങ്കിലും രാഷ്ട്രീയക്കാർ മാധ്യമ പ്രവർത്തകർക്കായി ആത്മാർത്ഥമായി രംഗത്തിറങ്ങിയോ? ഇരട്ട ചങ്കുണ്ടെന്നു വിശേഷിപ്പിക്കുന്ന മുഖ്യമന്ത്രിയെ അങ്ങനെ നാമകരണം ചെയ്ത് വിളിക്കണമെങ്കിൽ അദ്ദേഹത്തിന്റെ ഹൃദയശുദ്ധി എന്തായിരിക്കണം? മാധ്യമ പ്രവർത്തകരോട് ഇറങ്ങിപ്പോകാൻ പിണറായി ആജ്ഞാപിക്കുമ്പോൾ ഒരക്ഷരം പോലും ഉരിയാടാനാവാതെ ഇറങ്ങിപ്പോകേണ്ട ഗതികേട് അപമാനത്തിനും അപ്പുറമാണ് .കൂടെയുണ്ടായിരുന്ന കൊടിയേരി ഇളിഭ്യതയോടെ നിന്നതല്ലാതെ എന്താണ് മറുപടി പറഞ്ഞത്? ഏകാധിപതിയായ പിണറായിയെ ശിരസാവഹിച്ച് നിർന്നിമേഷനാകുകയായിരുന്നു. രമ്യതാ ചർച്ചയ്ക്ക് ശേഷം പിണറായി പുറത്ത് വരുമ്പോൾ പിന്നെയും അദ്ദേഹത്തെ കാണാൻ നിന്ന മാധ്യമ പ്രവർത്തകരുടെ നിസ്സംഗത വാക്കുകൾക്കും അധീതമാണ്. അന്നേരവും പിണറായി പ്രതികരിച്ചോ? വല്ലാത്ത കഷ്ടവും ഗതികേടുമാണ്.മാധ്യമ പ്രവർത്തകർക്ക് ഒരു വ്യക്തിത്വവും ഇല്ലെന്നാണോ ഇത് സൂചിപ്പിക്കുന്നത്? വേണ്ടാത്തവരെ അതേ നാണയത്തിൽ തിരിച്ചടി കൊടുക്കുക. അല്ലെങ്കിൽ ഇതിനെതിരെ ശക്തമായി പ്രതിഷേധിക്കുക .അതാണ് വേണ്ടത്. മാധ്യമ പ്രവർത്തനത്തിന്റെ “എത്തിക്ക് സിന് ” ആരുടെയും മുന്നിൽ അടിയറ വെയ്ക്കാതിരിക്കാൻ ഇനിയെങ്കിലും ആ വേഗം കാണിക്കുക.

 

0 Comments

Leave a Comment

Login

Welcome! Login in to your account

Remember me Lost your password?

Lost Password