breaking news
അതി ശക്തമായ മഴയെ തുടർന്നു് വയനാട്, ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ബുധനാഴ്ച വരെ അതീവ ജാഗ്രത (റെഡ് അലർട്ട്) പ്രഖ്യാപിച്ചു. വയനാട്, ഇടുക്കി, ആലപ്പുഴ, എറണാകുളം, കോട്ടയം ജില്ലകളിൽ ഓഗസ്റ്റ് 17 വരെ അതിജാഗ്രതയും (ഓറഞ്ച് അലർട്ട്) പ്രഖ്യാപിച്ചിട്ടുണ്ട്. ************ നിയമസഭാ – ലോക്‌സഭാ തിരഞ്ഞെടുപ്പുകൾ ഒരുമിച്ച് നടത്തുന്ന കാര്യം ഇപ്പോൾ സാദ്ധ്യമല്ലെന്ന് കേന്ദ്ര തിരഞ്ഞെടുപ്പ് കമ്മിഷൻ വ്യക്തമാക്കി. ഇതിനായി ഭരണഘടനാ ഭേദഗതി ആവശ്യമാണെന്നും മുഖ്യതിരഞ്ഞെടുപ്പ് കമ്മിഷണർ ഒ.പി.റാവത്ത് പറഞ്ഞു. *********** ബുധനാഴ്‌ച നടക്കാനിരുന്ന നിറപുത്തരി ചടങ്ങുകൾക്കായി നെൽക്കതിരുകളുമായി സന്നിധാനത്തേക്ക് തിരിച്ച തന്ത്രിയുടെയും സംഘത്തിന്റെയും യാത്ര നിറുത്തിവച്ചു. ബുധനാഴ്‌ച വൈകിട്ട് ആറരയോടെ ഇവരെ വനംവകുപ്പ് ഉദ്യോഗസ്ഥരുടെ നേതൃത്വത്തിൽ പുല്ലുമേട്ടിൽ എത്തിച്ചെങ്കിലും പ്രതികൂല കാലാവസ്ഥയും കൂരിരിട്ടും കനത്ത മൂടൽമഞ്ഞും കാറ്റും കാരണം യാത്ര ഉപേക്ഷിക്കുകയായിരുന്നു. ഇതിന് ശേഷം രാത്രിയോടെ നീന്തൽ വിദഗ്‌ദ്ധരുടെ സഹായത്തോടെ ഏതാനും കറ്റകൾ സന്നിധാനത്ത് എത്തിച്ചു. ********** ഒക്‌ടോബര്‍ ഒന്നുമുതല്‍ ജി.പി.എസ് ഘടിപ്പിക്കാത്ത സ്‌കൂള്‍, കോളജ് ബസുകള്‍ നിരത്തില്‍ ഇറങ്ങാന്‍ അനുവദിക്കില്ലെന്ന് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചു. പദ്ധതി നടപ്പാക്കുന്നതിനും മേല്‍നോട്ടത്തിനുമായി സിഡാക്കുമായി ചേര്‍ന്ന് ‘സുരക്ഷാമിത്ര’ എന്ന പേരില്‍ വാഹനനിരീക്ഷണ സംവിധാനം ഏര്‍പ്പെടുത്തുകയും ചെയ്തിട്ടുണ്ട്. *************** സിനിമാ ചിത്രീകരണത്തിനിടെ തെന്നിന്ത്യന്‍ താരം അമല പോളിന് പരിക്കേറ്റു. തമിഴ് ചിത്രമായ അതോ അന്ത പറവൈക്കു വേണ്ടി ആക്ഷന്‍ ചെയ്യുന്നതിനിടയിലാണ് അമലക്കു പരിക്കേറ്റത്. കൈക്കു പരിക്കേറ്റ താരം ഇപ്പോള്‍ കൊച്ചിയില്‍ ചികിത്സയിലാണ്.

ജനമൈത്രി സുരക്ഷാ പദ്ധതി പൊതുവെ പരാജയം

ജനങ്ങളുടെ സഹായത്തോടെ പോലീസുമായി ചേർന്ന് പ്രദേശങ്ങളിലെ എല്ലാ വിധ പ്രശ്നങ്ങളിലും ഇടപെട്ട് പരിഹാരം കാണാൻ സംസ്ഥാനത്ത് മാർച്ച് 2008ൽ പ്രവർത്തനം ആരംഭിച്ചതാണ് ജനമൈത്രി സുരക്ഷാ സംവിധാനം.”സുരക്ഷയ്ക്കായി ജനങ്ങളും പോലീസും” എന്നതാണ് മുദ്രാവാക്യം. ഏതിന്റെയും തുടക്കം കെങ്കേമമാണ്. പക്ഷേ, ആരംഭ ശൂരത്വം എന്ന് പറയുന്നത് പോലെ ജനമൈത്രിയുടെ കാര്യത്തിലും സംഭവിച്ചത് മറിച്ചല്ല. തുടക്കം അങ്ങനെയായിരുന്നെങ്കിലും ഇന്ന് പല പോലീസ് സ്റ്റേഷനുകളിലും തുടക്കം തന്നെ ഒടുക്കത്തിലായിരിക്കുകയാണ്.കരുനാഗപ്പള്ളി ജനമൈത്രി പോലീസിന്റെ പ്രവർത്തനം 2015ൽ ആഭ്യന്തര മന്ത്രിയായിരുന്ന രമേശ് ചെന്നിത്തലയായിരുന്നു ഉത്ഘാടനം നിർവ്വഹിച്ചിരുന്നത് .തുടക്കം കാര്യക്ഷമവുമായിരുന്നു. അതിനു് വേണ്ടി പ്രത്യേക ആഫീസ് കെട്ടിടവും നിർമ്മിച്ചു.അതിന്റെ ഇന്നത്തെ അവസ്ഥ വളരെ പരിതാപകരമാണ്. ഒരു നില കെട്ടിടം പൂർണ്ണമായും വൃത്തിഹീനമായി നാഥനില്ലാത്ത അവസ്ഥയിൽ കിടക്കുകയാണ്. മുറികൾ എല്ലാം പൊടിപടലങ്ങൾ കൊണ്ടും ചായ കുടിച്ച ഡിസ്പോസിബിൾ ഗ്ലാസുകളും മുറിക്കുള്ളിൽ അലക്ഷ്യമായി അങ്ങിങ്ങായി കിടക്കുകയാണ്.കസേരകളുടെ സ്ഥിതിയും മറിച്ചല്ല. ആഫീസ് മുറി ഏറെ ദയനീയമാണ്. ആഫീസിൽ ഇരിക്കാൻ ഒരു ജീവനക്കാരനും ഇല്ലെന്നുള്ളതാണ് മറ്റൊരു പ്രത്യേകത. ഇതിനും പോലീസുകാർക്ക് പറയാൻ മറുപടിയുണ്ട്. ജീവനക്കാരുടെ കുറവുള്ളതിനാൽ അവിടുത്തേക്കായി ജീവനക്കാരെ പോസ്റ്റ് ചെയ്യാനാവില്ലെന്നാണ് പറയുന്നത്. ജനമൈത്രിക്കായി പ്രത്യേകിച്ചും പോസ്റ്റിംഗ് ഇല്ലാത്തതിനാൽ ഇവരും നിസ്സഹായകരാണെന്ന് പറയുന്നു.പിന്നെ, പ്രധാനമായും ജനങ്ങളുടെ സഹകരണക്കുറവ് പ്രവർത്തനത്തെ മങ്ങൽ ഏല്പിക്കുന്നു. ബീറ്റ് ആഫീസർ അടങ്ങുന്ന സംവിധാനമാണ് ജനമൈത്രിയ്ക്കുള്ളത്. നാട്ടിലെ എല്ലാ അക്രമവാസനകൾ, മറ്റ് ക്രിമിനൽ പ്രശ്നങ്ങൾ തുടങ്ങി എല്ലാ വിധ പ്രശ്നങ്ങളും ജനങ്ങളുടെ സഹായത്തോടെ ജനമൈത്രിയിലൂടെ പരിഹരിക്കാമെന്നിരിക്കെ ജനങ്ങളുടെ പങ്കാളിത്വം ഇല്ലാത്തതു കൊണ്ടു് ഒന്നും ചെയ്യാനാവില്ലെന്ന് കരുനാഗപ്പള്ളി എ സി പി എസ് .ശിവപ്രസാദ് പറയുന്നു.

 

0 Comments

Leave a Comment

Login

Welcome! Login in to your account

Remember me Lost your password?

Lost Password