breaking news
അതി ശക്തമായ മഴയെ തുടർന്നു് വയനാട്, ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ബുധനാഴ്ച വരെ അതീവ ജാഗ്രത (റെഡ് അലർട്ട്) പ്രഖ്യാപിച്ചു. വയനാട്, ഇടുക്കി, ആലപ്പുഴ, എറണാകുളം, കോട്ടയം ജില്ലകളിൽ ഓഗസ്റ്റ് 17 വരെ അതിജാഗ്രതയും (ഓറഞ്ച് അലർട്ട്) പ്രഖ്യാപിച്ചിട്ടുണ്ട്. ************ നിയമസഭാ – ലോക്‌സഭാ തിരഞ്ഞെടുപ്പുകൾ ഒരുമിച്ച് നടത്തുന്ന കാര്യം ഇപ്പോൾ സാദ്ധ്യമല്ലെന്ന് കേന്ദ്ര തിരഞ്ഞെടുപ്പ് കമ്മിഷൻ വ്യക്തമാക്കി. ഇതിനായി ഭരണഘടനാ ഭേദഗതി ആവശ്യമാണെന്നും മുഖ്യതിരഞ്ഞെടുപ്പ് കമ്മിഷണർ ഒ.പി.റാവത്ത് പറഞ്ഞു. *********** ബുധനാഴ്‌ച നടക്കാനിരുന്ന നിറപുത്തരി ചടങ്ങുകൾക്കായി നെൽക്കതിരുകളുമായി സന്നിധാനത്തേക്ക് തിരിച്ച തന്ത്രിയുടെയും സംഘത്തിന്റെയും യാത്ര നിറുത്തിവച്ചു. ബുധനാഴ്‌ച വൈകിട്ട് ആറരയോടെ ഇവരെ വനംവകുപ്പ് ഉദ്യോഗസ്ഥരുടെ നേതൃത്വത്തിൽ പുല്ലുമേട്ടിൽ എത്തിച്ചെങ്കിലും പ്രതികൂല കാലാവസ്ഥയും കൂരിരിട്ടും കനത്ത മൂടൽമഞ്ഞും കാറ്റും കാരണം യാത്ര ഉപേക്ഷിക്കുകയായിരുന്നു. ഇതിന് ശേഷം രാത്രിയോടെ നീന്തൽ വിദഗ്‌ദ്ധരുടെ സഹായത്തോടെ ഏതാനും കറ്റകൾ സന്നിധാനത്ത് എത്തിച്ചു. ********** ഒക്‌ടോബര്‍ ഒന്നുമുതല്‍ ജി.പി.എസ് ഘടിപ്പിക്കാത്ത സ്‌കൂള്‍, കോളജ് ബസുകള്‍ നിരത്തില്‍ ഇറങ്ങാന്‍ അനുവദിക്കില്ലെന്ന് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചു. പദ്ധതി നടപ്പാക്കുന്നതിനും മേല്‍നോട്ടത്തിനുമായി സിഡാക്കുമായി ചേര്‍ന്ന് ‘സുരക്ഷാമിത്ര’ എന്ന പേരില്‍ വാഹനനിരീക്ഷണ സംവിധാനം ഏര്‍പ്പെടുത്തുകയും ചെയ്തിട്ടുണ്ട്. *************** സിനിമാ ചിത്രീകരണത്തിനിടെ തെന്നിന്ത്യന്‍ താരം അമല പോളിന് പരിക്കേറ്റു. തമിഴ് ചിത്രമായ അതോ അന്ത പറവൈക്കു വേണ്ടി ആക്ഷന്‍ ചെയ്യുന്നതിനിടയിലാണ് അമലക്കു പരിക്കേറ്റത്. കൈക്കു പരിക്കേറ്റ താരം ഇപ്പോള്‍ കൊച്ചിയില്‍ ചികിത്സയിലാണ്.

സഹകരണ ബാങ്കുകള്‍ ആധുനികവത്കരിക്കും – മന്ത്രി കടകംപള്ളി സുരേന്ദ്രന്‍

കേരളത്തിലെ സഹകരണ പ്രസ്ഥാനം രാജ്യത്തിന് തന്നെ മാതൃകയാണെന്നും സഹകരണ ബാങ്കുകള്‍ ആധുനികവത്കരിച്ച് പ്രസ്ഥാനം കൂടുതല്‍ ശക്തിപ്പെടുത്തുമെന്നും സഹകരണ മന്ത്രി കടകംപളളി സുരേന്ദ്രന്‍ പറഞ്ഞു. രാമന്‍കുളങ്ങരയില്‍ കോസ്റ്റല്‍ അര്‍ബന്‍ സഹകരണ ബാങ്കിന്റെ എട്ടാം ശാഖ ഉദ്ഘാടനം ചെയ്യുകയായിരുന്നു അദ്ദേഹം. പുതുതായി അഞ്ച് ശാഖകള്‍ കൂടി ഉടന്‍ തുടങ്ങുമെന്നും ഇതിന് റിസര്‍വ് ബാങ്ക് അനുമതി കിട്ടിയതായും അദ്ദേഹം വ്യക്തമാക്കി. രാജ്യത്തെ സഹകരണ നിക്ഷേപത്തില്‍ പകുതിയും കേരളത്തിന്റെ സംഭാവനയായത് സഹകരണ പ്രസ്ഥാനത്തിന്റെ വിശ്വാസ്യതയ്ക്ക് തെളിവാണ്. ഭീമന്‍ ബാങ്കുകളെ സൃഷ്ടിച്ച് സാധാരണക്കാരന്റെ ആവശ്യങ്ങള്‍ നിഷേധിക്കുന്ന കേന്ദ്രനയത്തില്‍ നിന്ന് മുക്തി നേടുന്നതിനാണ് ബാങ്ക് നല്‍കുന്ന എല്ലാ സേവനങ്ങളും ഉറപ്പാക്കിയുള്ള കേരള ബാങ്കെന്നും മന്ത്രി ഓര്‍മ്മിപ്പിച്ചു. യുവാക്കളെ ബാങ്കുകളിലേക്ക് ആകര്‍ഷിക്കാന്‍ അത്യാധുനിക സൗകര്യങ്ങളെല്ലാം ഏര്‍പ്പെടുത്തേണ്ടതുണ്ടെന്നും അദ്ദേഹം കൂട്ടിച്ചേര്‍ത്തു.
കോസ്റ്റല്‍ അര്‍ബന്‍ ബാങ്ക് ചെയര്‍മാന്‍ ബേസില്‍ ലാല്‍ ഹ്യൂബര്‍ട്ട് അധ്യക്ഷനായി. എന്‍. കെ. പ്രേമചന്ദ്രന്‍ എം. പി. മുഖ്യപ്രഭാഷണം നടത്തിയ ചടങ്ങില്‍ കൊല്ലം ബിഷപ്പ് ഡോ. സ്റ്റാന്‍ലി റോമന്‍ വിശിഷ്ടാതിഥിയായിരുന്നു. കോര്‍പറേഷന്‍ മേയര്‍ വി. രാജേന്ദ്രബാബു, അര്‍ബന്‍ ബാങ്ക് ചെയര്‍മാന്‍ സി. വി. പത്മരാജന്‍ തുടങ്ങിയവര്‍ പങ്കെടുത്തു
 

0 Comments

Leave a Comment

Login

Welcome! Login in to your account

Remember me Lost your password?

Lost Password