breaking news
അതി ശക്തമായ മഴയെ തുടർന്നു് വയനാട്, ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ബുധനാഴ്ച വരെ അതീവ ജാഗ്രത (റെഡ് അലർട്ട്) പ്രഖ്യാപിച്ചു. വയനാട്, ഇടുക്കി, ആലപ്പുഴ, എറണാകുളം, കോട്ടയം ജില്ലകളിൽ ഓഗസ്റ്റ് 17 വരെ അതിജാഗ്രതയും (ഓറഞ്ച് അലർട്ട്) പ്രഖ്യാപിച്ചിട്ടുണ്ട്. ************ നിയമസഭാ – ലോക്‌സഭാ തിരഞ്ഞെടുപ്പുകൾ ഒരുമിച്ച് നടത്തുന്ന കാര്യം ഇപ്പോൾ സാദ്ധ്യമല്ലെന്ന് കേന്ദ്ര തിരഞ്ഞെടുപ്പ് കമ്മിഷൻ വ്യക്തമാക്കി. ഇതിനായി ഭരണഘടനാ ഭേദഗതി ആവശ്യമാണെന്നും മുഖ്യതിരഞ്ഞെടുപ്പ് കമ്മിഷണർ ഒ.പി.റാവത്ത് പറഞ്ഞു. *********** ബുധനാഴ്‌ച നടക്കാനിരുന്ന നിറപുത്തരി ചടങ്ങുകൾക്കായി നെൽക്കതിരുകളുമായി സന്നിധാനത്തേക്ക് തിരിച്ച തന്ത്രിയുടെയും സംഘത്തിന്റെയും യാത്ര നിറുത്തിവച്ചു. ബുധനാഴ്‌ച വൈകിട്ട് ആറരയോടെ ഇവരെ വനംവകുപ്പ് ഉദ്യോഗസ്ഥരുടെ നേതൃത്വത്തിൽ പുല്ലുമേട്ടിൽ എത്തിച്ചെങ്കിലും പ്രതികൂല കാലാവസ്ഥയും കൂരിരിട്ടും കനത്ത മൂടൽമഞ്ഞും കാറ്റും കാരണം യാത്ര ഉപേക്ഷിക്കുകയായിരുന്നു. ഇതിന് ശേഷം രാത്രിയോടെ നീന്തൽ വിദഗ്‌ദ്ധരുടെ സഹായത്തോടെ ഏതാനും കറ്റകൾ സന്നിധാനത്ത് എത്തിച്ചു. ********** ഒക്‌ടോബര്‍ ഒന്നുമുതല്‍ ജി.പി.എസ് ഘടിപ്പിക്കാത്ത സ്‌കൂള്‍, കോളജ് ബസുകള്‍ നിരത്തില്‍ ഇറങ്ങാന്‍ അനുവദിക്കില്ലെന്ന് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചു. പദ്ധതി നടപ്പാക്കുന്നതിനും മേല്‍നോട്ടത്തിനുമായി സിഡാക്കുമായി ചേര്‍ന്ന് ‘സുരക്ഷാമിത്ര’ എന്ന പേരില്‍ വാഹനനിരീക്ഷണ സംവിധാനം ഏര്‍പ്പെടുത്തുകയും ചെയ്തിട്ടുണ്ട്. *************** സിനിമാ ചിത്രീകരണത്തിനിടെ തെന്നിന്ത്യന്‍ താരം അമല പോളിന് പരിക്കേറ്റു. തമിഴ് ചിത്രമായ അതോ അന്ത പറവൈക്കു വേണ്ടി ആക്ഷന്‍ ചെയ്യുന്നതിനിടയിലാണ് അമലക്കു പരിക്കേറ്റത്. കൈക്കു പരിക്കേറ്റ താരം ഇപ്പോള്‍ കൊച്ചിയില്‍ ചികിത്സയിലാണ്.

കാഴ്ചപ്പാട് – 2018

ഓള്‍ കേരള ഗോള്‍ഡ്‌ & സിൽവർ മര്‍ചൻസ് അസോസിയേഷൻ കൊല്ലം ജില്ലാ കമ്മിറ്റിയുടെ നേതൃത്വത്തില്‍ കാഴ്ചപ്പാട് 2018 സംഘടിപ്പിച്ചു.

കൊല്ലം ബീച്ച് ഓര്‍ക്കിഡ് ഹോട്ടലില്‍നടന്ന പരിപാടി അസോസിയേഷന്‍ സംസ്ഥാന പ്രസിഡന്റ്‌ ഡോ. ബി. ഗോവിന്ദന്‍ ഉദ്ഘാടനം ചെയ്തു.

സ്വര്‍ണവ്യാപാരികള്‍ കടുത്ത വെല്ലുവിളികള്‍ നേരിടുകയാണെന്ന് അദ്ദേഹം  പറഞ്ഞു.

GST യുടെ വരവ് പ്രത്യക്ഷത്തിൽ സ്വർണ്ണ വ്യാപാര രംഗത്തെ പൊതുവെ പ്രതിസന്ധിയിലാക്കിയതായി Dr. B.ഗോവിന്ദൻ പറഞ്ഞു.

നോട്ടു നിരോധനത്തിനു ശേഷം സ്വർണ്ണ വ്യാപാര മേഖല തളർച്ചയിലാണ്.GST യും ഹാൾമാർക്കിംഗും പ്രശ്നം കൂടുതൽ സങ്കീർണ്ണമാക്കി. പരിഹാരമായി GST റിട്ടേണുകൾ ലളിതമാക്കണമെന്ന് അദ്ദേഹം പറഞ്ഞു. അടിസ്ഥാന സൗകര്യങ്ങൾ ഒരുക്കിയതിന് ശേഷം മാത്രമെ ഹാൾമാർക്കിംഗ് നിർബ്ബന്ധമാക്കാവൂ.രാജ്യത്ത് അഞ്ച് ലക്ഷത്തോളം സ്വർണ്ണ വ്യാപാരികളിൽ ഇരുപതിനായിരം പേർ മാത്രമാണ് ഹാൾമാർക്കിംഗ് ലൈസൻസ് എടുത്തിട്ടുള്ളത്. കേരളത്തിൽ മുവായിരത്തിന് മേൽ വ്യാപാരികളാണ് ഹാൾമാർക്കിംഗ് നേടീട്ടുള്ളതെന്ന് Dr. B.ഗോവിന്ദൻ പറഞ്ഞു.

സ്വർണ്ണ വ്യാപാര രംഗത്തെ സംരക്ഷിക്കാൻ മേഖലയിലെ വ്യാപാരികളുടെ കൂട്ടായ്മ അനിവാര്യമാണെന്ന് തുടർന്ന് സംസാരിച്ച ജില്ലാ വൈസ് പ്രസിഡന്റ് B. പ്രേമാനന്ദ് പറഞ്ഞു.

സ്വർണ്ണ വ്യാപാര മേഖല പൊതുവെ ഇപ്പോൾ സ്തംഭനത്തിലാണെന്ന് അദ്ദേഹം പറഞ്ഞു.

ഗുട്സ് സര്‍വീസ് ടാക്സ് അഥവാ ജിഎസ്ടി സ്വര്‍ണ്ണവ്യാപാര രംഗത്ത് പ്രതിസന്ധിയ്ക്ക് ഇടവരുത്തിയിട്ടുണ്ടെങ്കിലും അത്  താത്കാലികം  മാത്രമാണെന്ന് ജി എസ് ടി യെ സംബന്ധിച്ച് ക്ലാസ്സ്‌ എടുത്ത ചാര്‍ട്ടേഡ് അക്കൗണ്ടന്റ്റ് അനന്തശിവം മണി പറഞ്ഞു.

വ്യാപാരികള്‍ കൃത്യമായി കണക്കുകള്‍ സൂക്ഷിച്ചാൽ  സ്വര്‍ണ്ണം വില്ക്കുമ്പോഴും വാങ്ങുമ്പോഴും കണക്കുകളിലെ സൂക്ഷ്മത കൂടുതല്‍ ഫലവത്താകുമെന്നും അദ്ദേഹം പറഞ്ഞു.

ഏതൊരു സംരഭത്തിനും തുടക്കം ചിലപ്പോള്‍ പ്രതിബധങ്ങള്‍ സൃഷ്ടിച്ചേക്കാം.  ജി എസ് ടി യെ സംബന്ധിച്ചിടത്തോളം ഇപ്പോള്‍   ഉണ്ടായിരിക്കുന്നത് അതാണ്‌. അത് മറികടക്കാന്‍ പ്രയാസപ്പെടെണ്ടതില്ല.

സ്വര്‍ണവ്യാപാരികളുടെ ഇടയിലെ പ്രശ്നങ്ങള്‍ അസോസിയേഷന്‍ മുഖേന പരിഹരിച്ച് മുന്നോട്ടു പോകേണ്ടതാണ്. അധികൃതരുടെ ഇടയില്‍ ജി എസ് ടി യുമായി ബന്ധപ്പെട്ടു ചില അപാകതകള്‍ കടന്നു കൂടിയിട്ടുണ്ട്. അത് കോടതിയ്ക്ക് പോലും ബോധ്യപ്പെട്ടിട്ടുള്ളതാണ്. ചില വ്യാപാരികള്‍  ഈ അപാകതകളില്‍ പെട്ടിട്ടുണ്ടെങ്കില്‍ നിയമപരമായി പരിഹാരം കാണാവുന്നതാണെന്നും അനന്തശിവംമണി പറഞ്ഞു.

ജില്ലാ പ്രസിഡന്റ്‌ അഡ്വ. എസ്. അബ്ദുല്‍ നാസര്‍ അധ്യക്ഷനായിരുന്നു.  നവാസ് പുത്തന്‍വീട്, എസ്. പളനി, ഹാഷിം കോന്നി, റിയാസ് മൊഹമ്മെദ്, അബ്ദുള്‍ മുത്തലിഫ് ചിന്നൂസ്, നാസര്‍ പോച്ചയില്‍ തുടങ്ങിയവര്‍ പങ്കെടുത്തു.

ബിസ് മുന്‍ കേരള ഡയറക്ടര്‍ ആര്‍. സി. മാത്യു, അലന്‍ പിന്റ്റോ, രവിചബ്ര, റിദ്ദീഷ് പരേഖ, രൂപേഷ് മാവിച്ചേരി, തുടങ്ങിയവര്‍ വിവിധ വിഷയങ്ങളില്‍ ക്ലാസ്സ്‌ എടുത്തു.

 

0 Comments

Leave a Comment

Login

Welcome! Login in to your account

Remember me Lost your password?

Lost Password