breaking news
യുവതിയെ പീഡിപ്പിച്ച കേസില്‍ ഓര്‍ത്തഡോക്സ് സഭയിലെ വൈദികന്‍ ജോബ് മാത്യുവിനെ 15 ദിവസത്തേക്ക് റിമാന്‍ഡുചെയ്തു. തിരുവല്ല മജിസ്ട്രേട്ടിന്റേതാണ് നടപടി. രാത്രി 7.30 ഓടെ മജിസ്ട്രേട്ടിനു മുന്നില്‍ ഹാജരാക്കാന്‍ എത്തിച്ച വൈദികനെ നാട്ടുകാര്‍ കൂകിവിളിച്ചു. കേസിലെ രണ്ടാം പ്രതിയാണ് ജോബ് മാത്യു. കൊല്ലത്തെ ഡിവൈഎസ്പി ഓഫീസിലെത്തി രാവിലെ 10.30 ഓടെ ജോബ് മാത്യു കീഴടങ്ങിയിരുന്നു.  * * * ലൈംഗിക പീഡനക്കേസില്‍ ആരോപണ വിധേയനായ ജലന്ധര്‍ ബിഷപ്പ് ഫ്രാങ്കോ മുളയ്ക്കലിനെ സംരക്ഷിച്ച് മിഷണറീസ് ഓഫ് ജീസസ് സന്ന്യാസിനി മഠം. ബിഷപ്പിനെതിരെ നടപടി എടുക്കാനാവില്ലെന്ന് വ്യക്തമാക്കിക്കൊണ്ട് മദര്‍ സുപ്പീരിയര്‍ ജനറല്‍ റജീന പരാതിക്കാരിയായ കന്യാസ്ത്രീയുടെ സഹോദരിക്ക് കത്തയച്ചു. * * * ആത്മീയ ദൗത്യ നിർവഹണത്തിൽ യാതൊരുവിധ വീഴ്‌ചയും വരാതിരിക്കാൻ വൈദികർ ബദ്ധശ്രദ്ധ ചെലുത്തണമെന്നും നിരന്തരമായ ആത്മപരിശോധന ആവശ്യമാണെന്നും ഓർത്ത‍‍ഡോക്സ് സഭാധ്യക്ഷൻ പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവാ. * * * കേരളത്തിന്റെ തീരദേശ മേഖലകളിൽ ശക്തമായ കാറ്റിന്​ സാധ്യതയുണ്ടെന്നും ജാഗ്രത പാലിക്കണമെന്നും കാലാവസ്ഥ നിരീക്ഷണ കേന്ദ്രം. കേരള തീരങ്ങളിൽ പടിഞ്ഞാറ് ദിശയിൽ നിന്നും മണിക്കൂറിൽ 35 മുതൽ 45 കിലോമീറ്റർ വേഗതയിലും ചില അവസരങ്ങളിൽ മണിക്കൂറിൽ 55 കിലോമീറ്റർ വേഗതയിലും കാറ്റടിക്കുവാൻ സാധ്യതയുണ്ടെന്നാണ്​ മുന്നറിയിപ്പ്​. * * * തിരുവനന്തപുരം ഗവ. ലോ കോളേജിൽ എസ്.എഫ്.ഐ- കെ.എസ്.യു സംഘർഷം. കെ.എസ്.യു പ്രവർത്തകരെ പൊലീസ് അറസ്റ്റ് ചെയ്ത് നീക്കി.ഇതിനിടെ പോലീസ് വാനിന് നേരെ എസ്.എഫ്.ഐ ആക്രമണം നടന്നു. കാമ്പസിൽ പോലീസ് സന്നാഹം നിലയുറപ്പിച്ചിട്ടുണ്ട്. * * * ലോ​ക്സ​ഭാ തെ​ര​ഞ്ഞെ​ടു​പ്പി​നു മു​മ്പെ ബി​ജെ​പി​ക്കെ​തി​രാ​യ മ​ഹാ​സ​ഖ്യ​ത്തി​നു സാ​ധ്യ​ത​യി​ല്ലെ​ന്ന് സി​പി​എം ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി. ലോ​ക്സ​ഭാ തെ​ര​ഞ്ഞെ​ടു​പ്പ് ഫ​ലം പു​റ​ത്തു​വ​ന്ന​തി​നു ശേ​ഷം മാ​ത്ര​മേ അ​ത്ത​ര​മൊ​രു സ​ഖ്യ​ത്തി​നുസാ​ധ്യ​ത​യു​ള്ളെ​ന്ന് അ​ദ്ദേ​ഹം പ​റ​ഞ്ഞു. * * *

അഞ്ചല്‍ ഈസ്റ്റ് സ്കൂള്‍ സ്റ്റേഡിയം നിർമ്മാണം അനശ്ചിതത്വത്തിൽ

അഞ്ചല്‍ ഈസ്റ്റ്  സ്കൂള്‍ സ്റ്റെഡിയം നിര്‍മ്മാണം പാതിവഴിയില്‍ ഉപേക്ഷിച്ച നിലയില്‍.

ദിവസവും നൂറു കണക്കിന് കായിക പരിശീലകര്‍ എത്തുന്ന അഞ്ചല്‍ ഈസ്റ്റ് സ്കൂള്‍ ഗ്രൗണ്ടിനാണ് ഈ അവസ്ഥ.കഴിഞ്ഞ ജില്ലാ പഞ്ചായത്ത് ഭരണ സമിതിയാണ് സ്റ്റേഡിയം നിര്‍മ്മാണത്തിനായി അഞ്ച് ലക്ഷം രൂപ തുക അനുവദിച്ചത്. ഇതിനെത്തുടര്‍ന്നാണ് സ്റ്റേഡിയം മോടിപിടിപ്പിക്കുന്നതിനുള്ള നിര്‍മ്മാണ പ്രവർത്തനങ്ങള്‍ ആരംഭിച്ചത്. എന്നാല്‍, സ്കൂള്‍ കവാടത്തിനു മുന്‍വശത്തെ ഫില്ലറുകളും, സൈഡ് വാള്‍ കോണ്‍ക്രീറ്റും മാത്രമാണ് നടത്തിയത്. ഫണ്ട്‌ തികയില്ലെന്ന് പറഞ്ഞു കരാറുകാരന്‍ നിര്‍മ്മാണ പ്രവര്‍ത്തനങ്ങള്‍ ഉപേക്ഷിച്ചത് നിര്‍മ്മാണത്തെ സാരമായി ബാധിച്ചു. സ്റ്റേഡിയം നിര്‍മ്മാണത്തിനു നിലവില്‍ അനുവദിച്ച തുകയെക്കാള്‍ കൂടുതല്‍ തുക ആവശ്യമാണെന്ന് സ്കൂള്‍ അധികൃതരും പി ടി എ ഭാരവാഹികളും പറയുന്നു.നിര്‍മ്മാണം മുടങ്ങിയതോടെ കായിക പരിശീലനത്തിനെത്തുന്നവര്‍ ആശങ്കയിലായിരിക്കുകയാണ്. മുടങ്ങിക്കിടക്കുന്ന സ്റ്റേഡിയം നിര്‍മ്മാണം പുനരാരംഭിക്കണമെന്നും കായിക പരിശീലനത്തിന് അവസരം നല്‍കണമെന്നും കായിക പ്രേമികള്‍ പറയുന്നു.

 

0 Comments

Leave a Comment

Login

Welcome! Login in to your account

Remember me Lost your password?

Lost Password