breaking news
അതി ശക്തമായ മഴയെ തുടർന്നു് വയനാട്, ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ബുധനാഴ്ച വരെ അതീവ ജാഗ്രത (റെഡ് അലർട്ട്) പ്രഖ്യാപിച്ചു. വയനാട്, ഇടുക്കി, ആലപ്പുഴ, എറണാകുളം, കോട്ടയം ജില്ലകളിൽ ഓഗസ്റ്റ് 17 വരെ അതിജാഗ്രതയും (ഓറഞ്ച് അലർട്ട്) പ്രഖ്യാപിച്ചിട്ടുണ്ട്. ************ നിയമസഭാ – ലോക്‌സഭാ തിരഞ്ഞെടുപ്പുകൾ ഒരുമിച്ച് നടത്തുന്ന കാര്യം ഇപ്പോൾ സാദ്ധ്യമല്ലെന്ന് കേന്ദ്ര തിരഞ്ഞെടുപ്പ് കമ്മിഷൻ വ്യക്തമാക്കി. ഇതിനായി ഭരണഘടനാ ഭേദഗതി ആവശ്യമാണെന്നും മുഖ്യതിരഞ്ഞെടുപ്പ് കമ്മിഷണർ ഒ.പി.റാവത്ത് പറഞ്ഞു. *********** ബുധനാഴ്‌ച നടക്കാനിരുന്ന നിറപുത്തരി ചടങ്ങുകൾക്കായി നെൽക്കതിരുകളുമായി സന്നിധാനത്തേക്ക് തിരിച്ച തന്ത്രിയുടെയും സംഘത്തിന്റെയും യാത്ര നിറുത്തിവച്ചു. ബുധനാഴ്‌ച വൈകിട്ട് ആറരയോടെ ഇവരെ വനംവകുപ്പ് ഉദ്യോഗസ്ഥരുടെ നേതൃത്വത്തിൽ പുല്ലുമേട്ടിൽ എത്തിച്ചെങ്കിലും പ്രതികൂല കാലാവസ്ഥയും കൂരിരിട്ടും കനത്ത മൂടൽമഞ്ഞും കാറ്റും കാരണം യാത്ര ഉപേക്ഷിക്കുകയായിരുന്നു. ഇതിന് ശേഷം രാത്രിയോടെ നീന്തൽ വിദഗ്‌ദ്ധരുടെ സഹായത്തോടെ ഏതാനും കറ്റകൾ സന്നിധാനത്ത് എത്തിച്ചു. ********** ഒക്‌ടോബര്‍ ഒന്നുമുതല്‍ ജി.പി.എസ് ഘടിപ്പിക്കാത്ത സ്‌കൂള്‍, കോളജ് ബസുകള്‍ നിരത്തില്‍ ഇറങ്ങാന്‍ അനുവദിക്കില്ലെന്ന് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചു. പദ്ധതി നടപ്പാക്കുന്നതിനും മേല്‍നോട്ടത്തിനുമായി സിഡാക്കുമായി ചേര്‍ന്ന് ‘സുരക്ഷാമിത്ര’ എന്ന പേരില്‍ വാഹനനിരീക്ഷണ സംവിധാനം ഏര്‍പ്പെടുത്തുകയും ചെയ്തിട്ടുണ്ട്. *************** സിനിമാ ചിത്രീകരണത്തിനിടെ തെന്നിന്ത്യന്‍ താരം അമല പോളിന് പരിക്കേറ്റു. തമിഴ് ചിത്രമായ അതോ അന്ത പറവൈക്കു വേണ്ടി ആക്ഷന്‍ ചെയ്യുന്നതിനിടയിലാണ് അമലക്കു പരിക്കേറ്റത്. കൈക്കു പരിക്കേറ്റ താരം ഇപ്പോള്‍ കൊച്ചിയില്‍ ചികിത്സയിലാണ്.

പൂമ്പാറ്റകളുടെ പള്ളിക്കുടം

മാനസിക ഭിന്നശേഷിയുള്ള കുട്ടികൾ പഠിക്കുന്ന കേരളത്തിലെ സ്‌പെഷ്യൽ സ്കൂളുകളെക്കുറിച്ചുള്ള പൂമ്പാറ്റകളുടെ പള്ളിക്കൂടം എന്ന ഡോക്യുമെന്ററിയുടെ സി.ഡി പ്രകാശനം ഫെഫ്ക ഡയറക്ടേഴ്‌സ് യൂണിയൻ ജനറൽ സെക്രട്ടറി ജി എസ് വിജയന് ഭരത് മോഹൻലാൽ കൊച്ചി ട്രാവൻകൂർ കോർട്ട് ഹോട്ടലിൽ വെച്ച് നല്കി നിർവ്വഹിച്ചു.


ചടങ്ങിൽ സംവിധായകരായ സലാം ബാപ്പു , സോഹൻ സീനുലാൽ , അസ്സോസിയേറ്റ് ഡയറക്ടർമാരായ ജയൻ കൃഷ്ണൻ , മുസ്തഫ , റഫീഖ് അമൻ , ഹേമ,ആർട്ടിസ്റ്റ് പ്രവീൺ പരമേശ്വർ , എഡിറ്റർ ടിനു ,ഹംദാൻ ലൗഷോർ എന്നിവർ പങ്കെടുത്തു .

ലൗഷോറിന്റെ ബാനറിൽ യൂ എ മുനീർ , കെ ടി ശിവാനന്ദൻ എന്നിവർ നിർമ്മിച്ച് ബൈജുരാജ് ചേകവർ രചനയും സംവിധാനവും നിർവഹിച്ച പൂമ്പാറ്റകളുടെ പള്ളിക്കൂടത്തിന് ഏറ്റവും മികച്ച കുട്ടികളുടെ ഡോക്യൂമെന്ററിക്കുള്ള സംസ്ഥാന അവാർഡ് ലഭിച്ചിരുന്നു .
കേരളത്തിലെ സ്‌പെഷൽ സ്കൂളുകളുടെ പ്രശ്നങ്ങളും പ്രതീക്ഷകളും ഹൃദയ സ്പർശിയായി പങ്കുവെക്കുന്ന ഈ ഡോക്യൂമെന്ററി കേരളത്തിലെ എല്ലാ ജില്ലകളിലൂടെയും സഞ്ചരിച്ച്‌ വർഷങ്ങൾ കൊണ്ടാണ് പൂർത്തിയാക്കിയത് .

 

0 Comments

Leave a Comment

Login

Welcome! Login in to your account

Remember me Lost your password?

Lost Password