breaking news
അതി ശക്തമായ മഴയെ തുടർന്നു് വയനാട്, ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ബുധനാഴ്ച വരെ അതീവ ജാഗ്രത (റെഡ് അലർട്ട്) പ്രഖ്യാപിച്ചു. വയനാട്, ഇടുക്കി, ആലപ്പുഴ, എറണാകുളം, കോട്ടയം ജില്ലകളിൽ ഓഗസ്റ്റ് 17 വരെ അതിജാഗ്രതയും (ഓറഞ്ച് അലർട്ട്) പ്രഖ്യാപിച്ചിട്ടുണ്ട്. ************ നിയമസഭാ – ലോക്‌സഭാ തിരഞ്ഞെടുപ്പുകൾ ഒരുമിച്ച് നടത്തുന്ന കാര്യം ഇപ്പോൾ സാദ്ധ്യമല്ലെന്ന് കേന്ദ്ര തിരഞ്ഞെടുപ്പ് കമ്മിഷൻ വ്യക്തമാക്കി. ഇതിനായി ഭരണഘടനാ ഭേദഗതി ആവശ്യമാണെന്നും മുഖ്യതിരഞ്ഞെടുപ്പ് കമ്മിഷണർ ഒ.പി.റാവത്ത് പറഞ്ഞു. *********** ബുധനാഴ്‌ച നടക്കാനിരുന്ന നിറപുത്തരി ചടങ്ങുകൾക്കായി നെൽക്കതിരുകളുമായി സന്നിധാനത്തേക്ക് തിരിച്ച തന്ത്രിയുടെയും സംഘത്തിന്റെയും യാത്ര നിറുത്തിവച്ചു. ബുധനാഴ്‌ച വൈകിട്ട് ആറരയോടെ ഇവരെ വനംവകുപ്പ് ഉദ്യോഗസ്ഥരുടെ നേതൃത്വത്തിൽ പുല്ലുമേട്ടിൽ എത്തിച്ചെങ്കിലും പ്രതികൂല കാലാവസ്ഥയും കൂരിരിട്ടും കനത്ത മൂടൽമഞ്ഞും കാറ്റും കാരണം യാത്ര ഉപേക്ഷിക്കുകയായിരുന്നു. ഇതിന് ശേഷം രാത്രിയോടെ നീന്തൽ വിദഗ്‌ദ്ധരുടെ സഹായത്തോടെ ഏതാനും കറ്റകൾ സന്നിധാനത്ത് എത്തിച്ചു. ********** ഒക്‌ടോബര്‍ ഒന്നുമുതല്‍ ജി.പി.എസ് ഘടിപ്പിക്കാത്ത സ്‌കൂള്‍, കോളജ് ബസുകള്‍ നിരത്തില്‍ ഇറങ്ങാന്‍ അനുവദിക്കില്ലെന്ന് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചു. പദ്ധതി നടപ്പാക്കുന്നതിനും മേല്‍നോട്ടത്തിനുമായി സിഡാക്കുമായി ചേര്‍ന്ന് ‘സുരക്ഷാമിത്ര’ എന്ന പേരില്‍ വാഹനനിരീക്ഷണ സംവിധാനം ഏര്‍പ്പെടുത്തുകയും ചെയ്തിട്ടുണ്ട്. *************** സിനിമാ ചിത്രീകരണത്തിനിടെ തെന്നിന്ത്യന്‍ താരം അമല പോളിന് പരിക്കേറ്റു. തമിഴ് ചിത്രമായ അതോ അന്ത പറവൈക്കു വേണ്ടി ആക്ഷന്‍ ചെയ്യുന്നതിനിടയിലാണ് അമലക്കു പരിക്കേറ്റത്. കൈക്കു പരിക്കേറ്റ താരം ഇപ്പോള്‍ കൊച്ചിയില്‍ ചികിത്സയിലാണ്.

പരമ്പരാഗത മല്‍സ്യ തൊഴിലാളികളുടെ ജീവിതം നരക തുല്യമാകുന്നു

പരമ്പരാഗത മത്സ്യതൊഴിലാളികളുടെ പ്രശ്നങ്ങള്‍ക്ക് അടിയന്തിരമായി പരിഹാരം കാണണമെന്ന് അഖില കേരള സ്വതന്ത്ര മത്സ്യതൊഴിലാളി യൂണിയന്‍

വീശുവല, കോരുവല, നീട്ടുവല, ചൂണ്ട, ചീനവല തുടങ്ങിയവ ഉപയോഗിച്ച് മത്സ്യബന്ധനം നടത്തുന്ന പരമ്പരാഗത മത്സ്യ തൊഴിലാളികളുടെ ജീവിതം ഇന്ന് വളരെ കഷ്ട്ടപ്പടിലാണ്.  ഇവരെ സംരക്ഷിക്കാന്‍ മാറിവരുന്ന ഒരു സര്‍ക്കാരും നടപടി സ്വീകരിക്കുന്നില്ലെന്ന് തൊഴിലാളികള്‍ പറയുന്നു.

പ്രധാനമായും കായലിനെ മാത്രം ആശ്രയിച്ചു ജീവിക്കുന്നവരാണ് പരമ്പരാഗത മല്‍സ്യതൊഴിലാളികള്‍.

കടലില്‍ ട്രോളിംങ്ങ് നിലവില്‍ വരുന്നതോടെ വേലിയേററ് സമയത്ത് കടലില്‍ നിന്നും അഴിമുഖം വഴി മത്സ്യം കായലിലേക്ക് കയറുന്നത് സ്വാഭാവികമാണ്.

ഈ സാഹചര്യത്തിൽ ഇൻബോർഡ്, ഔട്ട് ബോർഡ് വള്ളങ്ങൾ ഉപയോഗിച്ച് കായലില്‍ നിന്നും മത്സ്യം പിടിച്ചെടുക്കുന്നതു പരമ്പരാഗത മല്സ്യതോഴിലളികളെ സാരമായി ബാധിക്കുന്നതായി അവര്‍ പറയുന്നു.

നിരോധിത വലകളായ   ടങ്കീസ്, അടക്കം കൊല്ലി,വൈശാലി, തുടങ്ങിയവ ഉപയോഗിച്ച് മത്സ്യബന്ധനം നടത്തുന്നതും പ്രതികൂലമായി ബാധിക്കുന്നു.

കുറ്റിവലകളും മറ്റൊരു പ്രതിബന്ധമായി മാറിയിട്ടുണ്ട്.

കായലില്‍ മത്സ്യ സമ്പത്ത് കുറയുന്നതാണ് പരമ്പരാഗത മത്സ്യതൊഴിലാളികളെ പ്രധാനമായും സാരമായി ബാധിക്കുന്നത്.

സാധാരണ ഉള്‍നാടന്‍ പ്രദേശങ്ങളില്‍  മത്സ്യസമ്പത്ത് വര്‍ധിക്കുന്നത് കടലില്‍ നിന്നും വേലിയേററ സമയത്ത് മത്സ്യങ്ങള്‍ കയറുന്നത് കൊണ്ടാണ്.  ഇത് ചില പ്രത്യേക സീസനുകളിലാണ്‌ സംഭവിക്കുന്നതെന്ന് തൊഴിലാളികള്‍ പറയുന്നു

കടലില്‍ നിന്നും കായലിലേക്ക് മത്സ്യങ്ങള്‍ കയറുന്ന സമയത്ത്  പ്രവേശന കവാടത്ത് വെച്ചുള്ള മത്സ്യബന്ധനം കായലില്‍ മത്സ്യ സമ്പത്ത് കുറയാന്‍ പ്രധാന കാരണമായി തൊഴിലാളികള്‍ ചൂണ്ടിക്കാണിക്കപ്പെടുന്നു

ഫിഷരീസ് വകുപ്പ് ഇതിനെതിരെ കര്‍ശന നടപടി സ്വീകരിചിട്ടുണ്ടെങ്കിലും പ്രായോഗികമായി നടപ്പിലാക്കി കാണുന്നില്ല.

 

0 Comments

Leave a Comment

Login

Welcome! Login in to your account

Remember me Lost your password?

Lost Password