breaking news
അതി ശക്തമായ മഴയെ തുടർന്നു് വയനാട്, ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ബുധനാഴ്ച വരെ അതീവ ജാഗ്രത (റെഡ് അലർട്ട്) പ്രഖ്യാപിച്ചു. വയനാട്, ഇടുക്കി, ആലപ്പുഴ, എറണാകുളം, കോട്ടയം ജില്ലകളിൽ ഓഗസ്റ്റ് 17 വരെ അതിജാഗ്രതയും (ഓറഞ്ച് അലർട്ട്) പ്രഖ്യാപിച്ചിട്ടുണ്ട്. ************ നിയമസഭാ – ലോക്‌സഭാ തിരഞ്ഞെടുപ്പുകൾ ഒരുമിച്ച് നടത്തുന്ന കാര്യം ഇപ്പോൾ സാദ്ധ്യമല്ലെന്ന് കേന്ദ്ര തിരഞ്ഞെടുപ്പ് കമ്മിഷൻ വ്യക്തമാക്കി. ഇതിനായി ഭരണഘടനാ ഭേദഗതി ആവശ്യമാണെന്നും മുഖ്യതിരഞ്ഞെടുപ്പ് കമ്മിഷണർ ഒ.പി.റാവത്ത് പറഞ്ഞു. *********** ബുധനാഴ്‌ച നടക്കാനിരുന്ന നിറപുത്തരി ചടങ്ങുകൾക്കായി നെൽക്കതിരുകളുമായി സന്നിധാനത്തേക്ക് തിരിച്ച തന്ത്രിയുടെയും സംഘത്തിന്റെയും യാത്ര നിറുത്തിവച്ചു. ബുധനാഴ്‌ച വൈകിട്ട് ആറരയോടെ ഇവരെ വനംവകുപ്പ് ഉദ്യോഗസ്ഥരുടെ നേതൃത്വത്തിൽ പുല്ലുമേട്ടിൽ എത്തിച്ചെങ്കിലും പ്രതികൂല കാലാവസ്ഥയും കൂരിരിട്ടും കനത്ത മൂടൽമഞ്ഞും കാറ്റും കാരണം യാത്ര ഉപേക്ഷിക്കുകയായിരുന്നു. ഇതിന് ശേഷം രാത്രിയോടെ നീന്തൽ വിദഗ്‌ദ്ധരുടെ സഹായത്തോടെ ഏതാനും കറ്റകൾ സന്നിധാനത്ത് എത്തിച്ചു. ********** ഒക്‌ടോബര്‍ ഒന്നുമുതല്‍ ജി.പി.എസ് ഘടിപ്പിക്കാത്ത സ്‌കൂള്‍, കോളജ് ബസുകള്‍ നിരത്തില്‍ ഇറങ്ങാന്‍ അനുവദിക്കില്ലെന്ന് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചു. പദ്ധതി നടപ്പാക്കുന്നതിനും മേല്‍നോട്ടത്തിനുമായി സിഡാക്കുമായി ചേര്‍ന്ന് ‘സുരക്ഷാമിത്ര’ എന്ന പേരില്‍ വാഹനനിരീക്ഷണ സംവിധാനം ഏര്‍പ്പെടുത്തുകയും ചെയ്തിട്ടുണ്ട്. *************** സിനിമാ ചിത്രീകരണത്തിനിടെ തെന്നിന്ത്യന്‍ താരം അമല പോളിന് പരിക്കേറ്റു. തമിഴ് ചിത്രമായ അതോ അന്ത പറവൈക്കു വേണ്ടി ആക്ഷന്‍ ചെയ്യുന്നതിനിടയിലാണ് അമലക്കു പരിക്കേറ്റത്. കൈക്കു പരിക്കേറ്റ താരം ഇപ്പോള്‍ കൊച്ചിയില്‍ ചികിത്സയിലാണ്.

രാജഭരണകാലത്തെ കിണർ

70 വർഷങ്ങൾക്കു മുമ്പ് കൊല്ലം വാടിയിൽ കുടിവെള്ളത്തിനായി നിർമ്മിച്ച കിണർ കുളിക്കിണ റായി മാറിയത് കൗതുകമായി.കിണർ നിൽക്കുന്ന ഭാഗം കോർപ്പറേഷൻ നാലുവശവും മതിൽ കെട്ടി വേർതിരിച്ച് നൽകിയിരിക്കുകയാണ്.രാജഭരണകാലത്ത് പ്രദേശവാസികൾക്ക് കുടിവെള്ളം നൽകാനായി നിർമ്മിച്ച് നൽകിയ കിണറാണെന്ന് പഴമക്കാർ പറയുന്നു. പിന്നീട് പൈപ്പ് ലൈൻ വന്നതോടെ കിണറിന്റെ ഉപയോഗം ഇല്ലാതായി. തുടർന്നു മത്സ്യബന്ധനം കഴിഞ്ഞു വരുന്നവർ കുളിക്കാനായി കിണർ ഉപയോഗിച്ചു തുടങ്ങിയതോടെ കുളിക്കിണറായി മാറുകയായിരുന്നു. എത്ര വേനലിലും ഈ കിണറ്റിലെ വെള്ളം വറ്റാറില്ല. നൂറു കണക്കിന് ആൾക്കാരാണ് ഇവിടെ വന്ന് കുളിക്കുന്നത്.   പുരുഷൻമാരാണ് കുളിക്കുന്നതിനായി കിണർ ഉപയോഗിക്കുന്നത്. വരുന്നവർ തൊട്ടിയും സോപ്പും കൊണ്ടുവരികയാണ് പതിവ്.

തീരദേശത്ത് മറ്റൊരു കിണർ ഇല്ലെന്നുള്ളതാണ് മറ്റൊരു പ്രത്യേകത. അതിനു കാരണം’ കിണർ’ കുഴിച്ചാൽ ഉപ്പ് വെള്ളമാണ് ലഭിക്കുന്നത്. ഭാഗ്യവശാൽ, ഈ കിണറ്റിൽ ഉപ്പ് വെള്ളമില്ല.തികച്ചും ശുദ്ധജലമാണ് ലഭിക്കുന്നത്!

 

0 Comments

Leave a Comment

Login

Welcome! Login in to your account

Remember me Lost your password?

Lost Password