breaking news
അതി ശക്തമായ മഴയെ തുടർന്നു് വയനാട്, ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ബുധനാഴ്ച വരെ അതീവ ജാഗ്രത (റെഡ് അലർട്ട്) പ്രഖ്യാപിച്ചു. വയനാട്, ഇടുക്കി, ആലപ്പുഴ, എറണാകുളം, കോട്ടയം ജില്ലകളിൽ ഓഗസ്റ്റ് 17 വരെ അതിജാഗ്രതയും (ഓറഞ്ച് അലർട്ട്) പ്രഖ്യാപിച്ചിട്ടുണ്ട്. ************ നിയമസഭാ – ലോക്‌സഭാ തിരഞ്ഞെടുപ്പുകൾ ഒരുമിച്ച് നടത്തുന്ന കാര്യം ഇപ്പോൾ സാദ്ധ്യമല്ലെന്ന് കേന്ദ്ര തിരഞ്ഞെടുപ്പ് കമ്മിഷൻ വ്യക്തമാക്കി. ഇതിനായി ഭരണഘടനാ ഭേദഗതി ആവശ്യമാണെന്നും മുഖ്യതിരഞ്ഞെടുപ്പ് കമ്മിഷണർ ഒ.പി.റാവത്ത് പറഞ്ഞു. *********** ബുധനാഴ്‌ച നടക്കാനിരുന്ന നിറപുത്തരി ചടങ്ങുകൾക്കായി നെൽക്കതിരുകളുമായി സന്നിധാനത്തേക്ക് തിരിച്ച തന്ത്രിയുടെയും സംഘത്തിന്റെയും യാത്ര നിറുത്തിവച്ചു. ബുധനാഴ്‌ച വൈകിട്ട് ആറരയോടെ ഇവരെ വനംവകുപ്പ് ഉദ്യോഗസ്ഥരുടെ നേതൃത്വത്തിൽ പുല്ലുമേട്ടിൽ എത്തിച്ചെങ്കിലും പ്രതികൂല കാലാവസ്ഥയും കൂരിരിട്ടും കനത്ത മൂടൽമഞ്ഞും കാറ്റും കാരണം യാത്ര ഉപേക്ഷിക്കുകയായിരുന്നു. ഇതിന് ശേഷം രാത്രിയോടെ നീന്തൽ വിദഗ്‌ദ്ധരുടെ സഹായത്തോടെ ഏതാനും കറ്റകൾ സന്നിധാനത്ത് എത്തിച്ചു. ********** ഒക്‌ടോബര്‍ ഒന്നുമുതല്‍ ജി.പി.എസ് ഘടിപ്പിക്കാത്ത സ്‌കൂള്‍, കോളജ് ബസുകള്‍ നിരത്തില്‍ ഇറങ്ങാന്‍ അനുവദിക്കില്ലെന്ന് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചു. പദ്ധതി നടപ്പാക്കുന്നതിനും മേല്‍നോട്ടത്തിനുമായി സിഡാക്കുമായി ചേര്‍ന്ന് ‘സുരക്ഷാമിത്ര’ എന്ന പേരില്‍ വാഹനനിരീക്ഷണ സംവിധാനം ഏര്‍പ്പെടുത്തുകയും ചെയ്തിട്ടുണ്ട്. *************** സിനിമാ ചിത്രീകരണത്തിനിടെ തെന്നിന്ത്യന്‍ താരം അമല പോളിന് പരിക്കേറ്റു. തമിഴ് ചിത്രമായ അതോ അന്ത പറവൈക്കു വേണ്ടി ആക്ഷന്‍ ചെയ്യുന്നതിനിടയിലാണ് അമലക്കു പരിക്കേറ്റത്. കൈക്കു പരിക്കേറ്റ താരം ഇപ്പോള്‍ കൊച്ചിയില്‍ ചികിത്സയിലാണ്.

ഓട്ടന്‍തുള്ളലിനെ ജനകീയമാക്കുക

ഓട്ടന്‍തുള്ളലിനെ സംരക്ഷിച്ച് ജനകീയമാക്കാന്‍ നടപടി വേണമെന്ന ആവശ്യം ശക്തമാകുന്നു.

ഭാഷാ കവികള്‍ക്ക് ഓട്ടന്‍തുള്ളലിലെ വരികള്‍ ചെലുത്തുന്ന സ്വാധീനം കണക്കിലെടുത്താണ് ആവശ്യം ശക്തമായത്.

കുഞ്ച്ന്‍ നമ്പ്യാരുടെ തുള്ളല്‍ കൃതികള്‍ വായിക്കാത്ത ഒരു മലയാളിയ്ക്കും ഒരു കവിയാകാന്‍ കഴിയില്ല എന്ന ചൊല്ലും ഉദാഹരണമായി നില്‍ക്കുന്നു.  തുള്ളല്‍ ഇന്ന്ഒരു  ക്ഷേത്രകലയില്‍ ഒതുങ്ങി നില്ക്കുകയാണ്.

സ്കൂള്‍ തലങ്ങളിലെ പുസ്തകങ്ങളില്‍ ഇടം തേടുന്നുണ്ടെങ്കിലും ആവിഷ്ക്കാരം ഇല്ലാത്തതിനാല്‍ അതു ജനകീയമാക്കാനും കഴിയുന്നില്ല.

കലോത്സവങ്ങളില്‍ മാത്രം ഒന്നു പ്രത്യക്ഷപ്പെടുന്നതൊഴിച്ചാല്‍ ഓട്ടന്‍തുള്ളല്‍ എന്ന പ്രസ്ഥാനം വിസ്മൃതിയിലകുകയാണ്.

തുള്ളല്‍ പ്രസ്ഥാനത്തിന്റെ ഉപജ്ഞതാവ് കലക്കത്ത് കുഞ്ചന്‍ നമ്പ്യാരാണ്.

18 – നൂറ്റാണ്ടിലെ പ്രമുഖ മലയാള ഭാഷാ കവിയാണ് കുഞ്ചന്‍ നമ്പ്യാര്‍. കുഞ്ചന്‍ നമ്പ്യാര്‍ എഴുതിയ കൃതികൾ എല്ലാം നര്‍മ്മത്തില്‍ പൊതിഞ്ഞ സാമൂഹ്യ വിമര്‍ശനങ്ങളാണ്.

അമ്പലപ്പുഴ ക്ഷേത്രത്തില്‍ ചാക്യാര്‍ക്കൂത്ത് എന്ന ക്ഷേത്ര കലയില്‍ മിഴാവ് കൊട്ടുകയായിരുന്ന നമ്പ്യാര്‍ക്ക് എന്തോ കയ്യബദ്ധം പറ്റിയപ്പോള്‍ പരിഹാസപ്രിയനായ ചാക്ക്യാര്‍ അരങ്ങത്തു വെച്ച് തന്നെ കലശലായി പരിഹസിച്ചു ശകരിച്ചതാണ് തുള്ളലിന്റെ തുടക്കത്തിനു കാരണമായതെന്നു ഒരു കഥയുണ്ട്.  പകരം വീട്ടാന്‍ അടുത്ത ദിവസം തന്നെ നമ്പ്യാര്‍ ആവിഷ്ക്കരിച്ച് അവതരിപ്പിച്ച പുതിയ കലാരൂപമായിരുന്നത്രേ ഓട്ടന്‍ തുള്ളല്‍!

നമ്പ്യാര്‍ ഭാഷാ നൈപുണ്യം കൊണ്ട് അനുഗ്രഹീതനായിരുന്നു. വാക്കുകള്‍ നമ്പ്യാരുടെ നാവില്‍ നൃത്തം ചെയ്യുകയായിരുന്നു എന്നും പറയപ്പെടുന്നു.

 

 

0 Comments

Leave a Comment

Login

Welcome! Login in to your account

Remember me Lost your password?

Lost Password