breaking news
അതി ശക്തമായ മഴയെ തുടർന്നു് വയനാട്, ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ബുധനാഴ്ച വരെ അതീവ ജാഗ്രത (റെഡ് അലർട്ട്) പ്രഖ്യാപിച്ചു. വയനാട്, ഇടുക്കി, ആലപ്പുഴ, എറണാകുളം, കോട്ടയം ജില്ലകളിൽ ഓഗസ്റ്റ് 17 വരെ അതിജാഗ്രതയും (ഓറഞ്ച് അലർട്ട്) പ്രഖ്യാപിച്ചിട്ടുണ്ട്. ************ നിയമസഭാ – ലോക്‌സഭാ തിരഞ്ഞെടുപ്പുകൾ ഒരുമിച്ച് നടത്തുന്ന കാര്യം ഇപ്പോൾ സാദ്ധ്യമല്ലെന്ന് കേന്ദ്ര തിരഞ്ഞെടുപ്പ് കമ്മിഷൻ വ്യക്തമാക്കി. ഇതിനായി ഭരണഘടനാ ഭേദഗതി ആവശ്യമാണെന്നും മുഖ്യതിരഞ്ഞെടുപ്പ് കമ്മിഷണർ ഒ.പി.റാവത്ത് പറഞ്ഞു. *********** ബുധനാഴ്‌ച നടക്കാനിരുന്ന നിറപുത്തരി ചടങ്ങുകൾക്കായി നെൽക്കതിരുകളുമായി സന്നിധാനത്തേക്ക് തിരിച്ച തന്ത്രിയുടെയും സംഘത്തിന്റെയും യാത്ര നിറുത്തിവച്ചു. ബുധനാഴ്‌ച വൈകിട്ട് ആറരയോടെ ഇവരെ വനംവകുപ്പ് ഉദ്യോഗസ്ഥരുടെ നേതൃത്വത്തിൽ പുല്ലുമേട്ടിൽ എത്തിച്ചെങ്കിലും പ്രതികൂല കാലാവസ്ഥയും കൂരിരിട്ടും കനത്ത മൂടൽമഞ്ഞും കാറ്റും കാരണം യാത്ര ഉപേക്ഷിക്കുകയായിരുന്നു. ഇതിന് ശേഷം രാത്രിയോടെ നീന്തൽ വിദഗ്‌ദ്ധരുടെ സഹായത്തോടെ ഏതാനും കറ്റകൾ സന്നിധാനത്ത് എത്തിച്ചു. ********** ഒക്‌ടോബര്‍ ഒന്നുമുതല്‍ ജി.പി.എസ് ഘടിപ്പിക്കാത്ത സ്‌കൂള്‍, കോളജ് ബസുകള്‍ നിരത്തില്‍ ഇറങ്ങാന്‍ അനുവദിക്കില്ലെന്ന് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചു. പദ്ധതി നടപ്പാക്കുന്നതിനും മേല്‍നോട്ടത്തിനുമായി സിഡാക്കുമായി ചേര്‍ന്ന് ‘സുരക്ഷാമിത്ര’ എന്ന പേരില്‍ വാഹനനിരീക്ഷണ സംവിധാനം ഏര്‍പ്പെടുത്തുകയും ചെയ്തിട്ടുണ്ട്. *************** സിനിമാ ചിത്രീകരണത്തിനിടെ തെന്നിന്ത്യന്‍ താരം അമല പോളിന് പരിക്കേറ്റു. തമിഴ് ചിത്രമായ അതോ അന്ത പറവൈക്കു വേണ്ടി ആക്ഷന്‍ ചെയ്യുന്നതിനിടയിലാണ് അമലക്കു പരിക്കേറ്റത്. കൈക്കു പരിക്കേറ്റ താരം ഇപ്പോള്‍ കൊച്ചിയില്‍ ചികിത്സയിലാണ്.

സ്വര്‍ണ്ണം വാങ്ങുമ്പോള്‍ സൂക്ഷിക്കുക

ഇറിഡിയം കലർന്ന സ്വർണ്ണാഭരണങ്ങൾ വ്യാപകമാകുന്നു.അത് അർബുദത്തിനും അലർജിക്കും കാരണമാകുന്നതായി കണ്ടെത്തൽ.

916 ഹാൾമാർക്ക് ഡ് സ്വർണ്ണാഭരണങ്ങൾ എന്ന് മുദ്രണം ചെയ്യപ്പെട്ടവയിൽ കൂടുതലും ഇറിഡിയം കലർന്നതാണെന്ന് ശാസ്ത്രീയപരീക്ഷണങ്ങളിലൂടെ കണ്ടെത്തിയിരിക്കുന്നു. സ്വർണ്ണത്തിനോട് ഇറിഡിയം കലർത്തിയാൽ അത് എളുപ്പം കണ്ടെത്താനാവില്ല ഇത്തരം ആഭരണങ്ങൾ ഉപയോഗിക്കുന്നവരുടെ ശരീര ഭാഗങ്ങളിൽ കറുപ്പ് അനുഭവപ്പെടുകയും ചൊറിച്ചിൽ പോലുള്ള അലർജി ഉണ്ടാകുന്നതായും കാണുന്നു.

പരസ്യത്തിന്റെ പെരുമയിൽ ഉപഭോക്താവ് ഏറ്റവും നല്ല വ്യാപാര സ്ഥാപനങ്ങൾ നോക്കി സ്വർണ്ണം വാങ്ങാൻ താൽപ്പര്യപ്പെടുന്നു. നല്ല സ്വർണ്ണം വിൽക്കുന്ന സ്ഥാപനങ്ങളിൽ പണിക്കൂലിയിൽ കിഴിവ് വരുത്തുകയോ മറ്റ് ഇളവുകൾ വാഗ്ദാനം ചെയ്യുകയോ ചെയ്യാറില്ല

എണ്ണിയാൽ ഒടുങ്ങാത്ത ഫാഷനുകൾ ഇറിഡിയത്തിന്റെ അനുപാതവർദ്ധനവാണ് സൂചിപ്പിക്കുന്നത്.രാജ്യത്ത് ഉടനീളം ബ്രാഞ്ചുകൾ വർദ്ധിപ്പിക്കുന്ന സ്ഥാപനങ്ങളിലെ ആഭരണങ്ങളുടെ പ്യൂരിറ്റിയിലും ഇറിഡിയത്തിന്റെ തോത് കൂടുതലാണ്.ഇറിഡിയത്തിന് വിലക്കുറവായതിനാൽ ഇത് സ്വർണ്ണത്തോട് കലർത്തിയാൽ മാറ്റിന് കുറവു വരില്ലെന്നും പറയുന്നു. സ്വർണ്ണാഭരണങ്ങൾ വാങ്ങുമ്പോൾ ഏറ്റവും വിശ്വാസമുള്ള വ്യാപാര സ്ഥാപനങ്ങൾ കണ്ടെത്തി വാങ്ങുകയാണ് പ്രധാനം.ഇവർ കൂടുതൽ ഓഫറുകൾ വാഗ്ദാനം ചെയ്യാറില്ലെന്ന് പറയുന്നു.

 

0 Comments

Leave a Comment

Login

Welcome! Login in to your account

Remember me Lost your password?

Lost Password