breaking news
അതി ശക്തമായ മഴയെ തുടർന്നു് വയനാട്, ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ബുധനാഴ്ച വരെ അതീവ ജാഗ്രത (റെഡ് അലർട്ട്) പ്രഖ്യാപിച്ചു. വയനാട്, ഇടുക്കി, ആലപ്പുഴ, എറണാകുളം, കോട്ടയം ജില്ലകളിൽ ഓഗസ്റ്റ് 17 വരെ അതിജാഗ്രതയും (ഓറഞ്ച് അലർട്ട്) പ്രഖ്യാപിച്ചിട്ടുണ്ട്. ************ നിയമസഭാ – ലോക്‌സഭാ തിരഞ്ഞെടുപ്പുകൾ ഒരുമിച്ച് നടത്തുന്ന കാര്യം ഇപ്പോൾ സാദ്ധ്യമല്ലെന്ന് കേന്ദ്ര തിരഞ്ഞെടുപ്പ് കമ്മിഷൻ വ്യക്തമാക്കി. ഇതിനായി ഭരണഘടനാ ഭേദഗതി ആവശ്യമാണെന്നും മുഖ്യതിരഞ്ഞെടുപ്പ് കമ്മിഷണർ ഒ.പി.റാവത്ത് പറഞ്ഞു. *********** ബുധനാഴ്‌ച നടക്കാനിരുന്ന നിറപുത്തരി ചടങ്ങുകൾക്കായി നെൽക്കതിരുകളുമായി സന്നിധാനത്തേക്ക് തിരിച്ച തന്ത്രിയുടെയും സംഘത്തിന്റെയും യാത്ര നിറുത്തിവച്ചു. ബുധനാഴ്‌ച വൈകിട്ട് ആറരയോടെ ഇവരെ വനംവകുപ്പ് ഉദ്യോഗസ്ഥരുടെ നേതൃത്വത്തിൽ പുല്ലുമേട്ടിൽ എത്തിച്ചെങ്കിലും പ്രതികൂല കാലാവസ്ഥയും കൂരിരിട്ടും കനത്ത മൂടൽമഞ്ഞും കാറ്റും കാരണം യാത്ര ഉപേക്ഷിക്കുകയായിരുന്നു. ഇതിന് ശേഷം രാത്രിയോടെ നീന്തൽ വിദഗ്‌ദ്ധരുടെ സഹായത്തോടെ ഏതാനും കറ്റകൾ സന്നിധാനത്ത് എത്തിച്ചു. ********** ഒക്‌ടോബര്‍ ഒന്നുമുതല്‍ ജി.പി.എസ് ഘടിപ്പിക്കാത്ത സ്‌കൂള്‍, കോളജ് ബസുകള്‍ നിരത്തില്‍ ഇറങ്ങാന്‍ അനുവദിക്കില്ലെന്ന് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചു. പദ്ധതി നടപ്പാക്കുന്നതിനും മേല്‍നോട്ടത്തിനുമായി സിഡാക്കുമായി ചേര്‍ന്ന് ‘സുരക്ഷാമിത്ര’ എന്ന പേരില്‍ വാഹനനിരീക്ഷണ സംവിധാനം ഏര്‍പ്പെടുത്തുകയും ചെയ്തിട്ടുണ്ട്. *************** സിനിമാ ചിത്രീകരണത്തിനിടെ തെന്നിന്ത്യന്‍ താരം അമല പോളിന് പരിക്കേറ്റു. തമിഴ് ചിത്രമായ അതോ അന്ത പറവൈക്കു വേണ്ടി ആക്ഷന്‍ ചെയ്യുന്നതിനിടയിലാണ് അമലക്കു പരിക്കേറ്റത്. കൈക്കു പരിക്കേറ്റ താരം ഇപ്പോള്‍ കൊച്ചിയില്‍ ചികിത്സയിലാണ്.

പെരുമൺ ദുരന്ത കാരണം ഇപ്പോഴും അജ്ഞാതമായി തുടരുന്നു…

105 പേരുടെ ജീവൻ അപഹരിച്ച പെരുമൺ ദുരന്തം നടന്നിട്ട് കാൽ നൂറ്റാണ്ടു പിന്നിടുമ്പോഴും ദുരന്തത്തിന്റെ കാരണം ഇനിയും അജ്ഞാതമായി തുടരുന്നു.

തിക്തഫലങ്ങൾ തീരാശാപമായിത്തീർന്ന 17 പേരുടെ ജീവിതത്തിന് ഒരു ആനുകൂല്യവും നൽകാതെ റയിൽവേ അധികൃതർ നിലകൊള്ളുമ്പോൾ,നാടിനെ നടുക്കിയ ദുരന്തം വർഷംതോറും ഒരു ചടങ്ങിൽ മാത്രം ഒതുങ്ങി അവശേഷിക്കുന്നു. 1988 ജൂലൈ 8 നാണ് പെരുമൺ ദുരന്തമുണ്ടായത്. ബംഗ്ലൂരിൽ നിന്ന് കന്യാകുമാരിയിലേക്ക് പോവുകയായിരുന്ന ഐലന്റ് എക്സ്പ്രസ് ട്രയിനിന്റെ 10 ബോഗി ക ളാണ് പെരുമണിൽ അഷ്ടമുടിക്കായലിലെ മരണക്കയത്തിൽ വീണത്.

റയിവേയുടെ അനാസ്ഥയാണ് അപകട കാരണമെന്ന് ആദ്യം സ്ഥിരീകരിക്കപ്പെട്ടിരുന്നു. എന്നാൽ , റയിൽവേ നിയോഗിച്ച അന്വേഷണ ഉദ്യോഗസ്ഥൻ സൂര്യനാരായണ പിന്നീട് അതിന്റെ കാരണം “ടൊർണാഡോ”ആണെന്ന് മാറ്റിത്തീർത്തു.തുടർന്നുവന്ന അന്വേഷണ ഉദ്യോഗസ്ഥൻ C. S നായിക്, സത്യനാരായണയുടെ റിപ്പോർട്ട് ശരി വെയ്ക്കുകയായിരുന്നു.

ദുരന്തത്തിൽ 200 പേർക്ക് പരിക്ക് പറ്റിയിരുന്നു. രക്ഷാപ്രവർത്തകരായി എത്തിയ നാട്ടുകാരിൽ പലർക്കും പരിക്ക് പറ്റിയിരുന്നു.ഇവർക്ക് വേണ്ടുന്ന ആനുകൂല്യം പോലും കൊടുക്കാൻ റെയിൽവേ അധികൃതർ തയ്യാറായില്ല. രക്ഷാപ്രവർത്തനം നടത്തുമ്പോൾ പരിക്കുപറ്റി ശയ്യാവലംബരായ കിടക്കുന്നവർ ഇപ്പോഴും ഈ ദുരന്തത്തിന്റെ രക്തസാക്ഷികളാണ്.

ദുരന്തത്തോടെ അഷ്ടമുടിക്കായൽ ജല ശ്മശാനമായി മാറുകയായിരുന്നു. റയിൽവേയുടെ മുഖം രക്ഷിക്കാൻ ദുരന്തകാരണം ചുഴലിക്കാറ്റായി മാറ്റുമ്പോൾ, അത് കേട്ടുകേൾവിക്കു പോലും അപ്പുറമായിരുന്നു. യഥാർത്ഥമായി രണ്ട് കാര്യങ്ങളാണ് അപകട കാരണമായി പറഞ്ഞു കേട്ടത് : ട്രെയിൽ എത്തുന്നതിന് മുമ്പ് പാളത്തിൽ പണി നടക്കുകയായിരുന്നു. പാളങ്ങൾ യോജിക്കുന്ന സ്ഥാനത്ത് “ഫിഷ് പ്ലേറ്റ് ” ഇളക്കിയ ശേഷം ജീവനക്കാർ അടുത്ത കളളു ഷാപ്പിൽ പോയതായാണ് അറിയുന്നത്.പതിവിലും നേരത്തേ ഐലന്റ് എക്സ്പ്രസ് അന്ന് എത്തിയിരുന്നു.

പകൽ 12.56 ആയിരുന്നു സമയം. ട്രയിന്റെ വേഗത 81 കിലോമീറ്ററായിരുന്നു. വേഗത്തിൽ വന്ന ട്രയിനിന്റെ വീൽ ഫിഷ് പ്ലേറ്റ് ഇളകിയ ഭാഗത്ത് തറയിലേക്കിറങ്ങി. എമർജൻസി ബ്രേക്കിടുന്നതിനു പകരം ലോക്കോ പൈലറ്റ് സാധാ ബ്രേക്കിട്ടതിനാൽ അപകടത്തിന് കാരണമായിരുന്നു എന്ന് കരുതുന്നു.

ബോഗികൾ കൂട്ടിയിടിച്ചാണ് കായലിലേക്ക് മറിഞ്ഞത്.

എഞ്ചിനും ഒരു ബോഗിയും പിന്നിലെ രണ്ട് കോച്ചുകളും മാത്രമേ കായൽ കടന്നിരുന്നുള്ളൂ. റൂട്ടിൽ പരിചയമില്ലാത്ത ലോക്കോ പൈലറ്റ് ആയിരുന്നു ട്രയിൻ ഓടിച്ചിരുന്നത്.

എല്ലാവർഷവും കടന്നെത്തുന്ന ജൂലൈ 8 മലയാളികളെ സംബന്ധിച്ചടത്തോളം പ്രത്യേകിച്ചും കൊല്ലത്തുകാരെ സംബന്ധിച്ചിടത്തോളം, പെരുമൺ ദുരന്തം ഓർമ്മയിൽ മരിക്കാത്ത ട്രയിൻ അപകടമായി നില നിൽക്കും.

 

 

0 Comments

Leave a Comment

Login

Welcome! Login in to your account

Remember me Lost your password?

Lost Password