breaking news
ശബരിമലയില്‍ മണ്ഡലകാലത്ത് എത്തുന്ന എല്ലാ വാഹനങ്ങള്‍ക്കും പോലീസിന്റെ പാസ് നിര്‍ബന്ധമാക്കി. മണ്ഡലകാലത്ത് തീര്‍ഥാടകര്‍ പ്രാദേശിക പോലീസ് സ്റ്റേഷനുകളില്‍ നിന്ന് പാസ് ഉറപ്പാക്കണമെന്ന് പോലീസ് നിര്‍ദേശം നല്‍കി. ***** ആചാരലംഘനമുണ്ടായാൽ ശബരിമല ക്ഷേത്രനട അടയ്ക്കുന്നതിനെക്കുറിച്ച് ബി.ജെ.പി സംസ്ഥാന അദ്ധ്യക്ഷൻ ശ്രീധരൻ പിള്ളയോട് അഭിപ്രായം തേടിയിട്ടില്ലെന്നു തന്ത്രി കണ്ഠര് രാജീവര് ദേവസ്വം ബോർഡിനെ അറിയിച്ചു. തന്ത്രി അഭിപ്രായം തേടിയതായി പി.എസ്.ശ്രീധരൻപിള്ളയുടെ വെളിപ്പെടുത്തലിനെത്തുടർന്ന് വെള്ളിയാഴ്ചയ്ക്കകം വിശദീകരണം നൽകാൻ തന്ത്രി കണ്ഠര് രാജീവരോട് ദേവസ്വം ബോർഡ് കമ്മിഷണർ ആവശ്യപ്പെട്ടിരുന്നു.

തണൽ മരങ്ങൾ മുറിച്ച് മാറ്റിയപ്പോൾ

കൊല്ലം റെയിൽവെ സ്റ്റേഷൻ, കർബല, സിവിൽ സ്റ്റേഷൻ പരിസരം തുടങ്ങിയ പ്രദേശങ്ങളിലെ തണൽ നല്കിയിരുന്ന കൂറ്റൻ പടു വൃക്ഷങ്ങളിൽ നല്ലൊരു ഭാഗവും മൂടൊടെ മുറിച്ച് മാറ്റിയിരിക്കുകയാണ്.


പൊതുമരാമത്തും ഫോറസ്ട്രിയും കോർപ്പറേഷനും ചേർന്നാണ് പദ്ധതിക്ക് രൂപം നല്കിയത്.
എന്നാൽ, അപകടകരമായി നില്ക്കുന്ന മരങ്ങൾ മുറിച്ച് നീക്കാനാണ് നടപടിയെങ്കിലും അതിന്റെ യാഥാർത്ഥ്യതയിൽ നിന്നും വ്യതിചലിച്ചാണ് നടപടി സ്വീകരിച്ചിട്ടുള്ളതെന്ന് കാണാം.
പ്രളയത്തെ തുടർന്നുണ്ടായ അവസ്ഥകൾ മുൻനിർത്തി ഭാവിയിലെ സുരക്ഷിതത്വം കണക്കിലെടുത്താണ് ദ്രുതഗതിയിൽ തണൽമരങ്ങൾ മുറിച്ചു മാറ്റാൻ നടപടി സ്വീകരിച്ചത്.


സാധാരണ ഗതിയിൽ കൂടുതൽ പഴക്കം ചെന്നതും പോടുകൾ വീണ മരങ്ങളുമാണ് ഇങ്ങനെ മുറിച്ച് മാറ്റുന്നത്. അല്ലാതുള്ള മരങ്ങളുടെ ശിഖരങ്ങളാണ് വേർപെടുത്തുന്നത്. എന്നാൽ, ഇതിനൊന്നും തയ്യാറാവാതെ, ഒരു പരിശോധനയ്ക്കും മുതിരാതെ, മുറിക്കേണ്ടതും അല്ലാത്തതുമായ മരങ്ങൾ ചുവട്ടിൽ നിന്നും പാടെ മുറിച്ച് മാറ്റിയിരിക്കുകയാണ്.ദിവസങ്ങളായി ഇത് നടക്കുമ്പോഴും ഒരു ഭാഗത്തും പ്രകൃതി സ്നേഹികളെ കാണാനാവാത്തത് നിർഭാഗ്യകരമായി നില്ക്കുന്നു.
ഏതായാലും, ഈ ഭാഗങ്ങളിലെ തണൽമരങ്ങൾ മൂടോടെ കത്തിവെച്ച് ഇല്ലാതാക്കിയപ്പോൾ, നഷ്ടമായത് പ്രകൃതിയുടെ തണലും ആശ്വാസത്തിന്റെ കിരണങ്ങളുമാണ്.

 

0 Comments

    Leave a Comment

    Login

    Welcome! Login in to your account

    Remember me Lost your password?

    Lost Password