breaking news
കേരളത്തില്‍ ഇടതുപക്ഷത്തിന് ലോക്‌സഭാ തിരഞ്ഞെടുപ്പില്‍ കനത്ത തിരിച്ചടിയുണ്ടാകുമെന്ന് പ്രവചിച്ച് റിപ്പബ്ലിക് ടിവി-സി വോട്ടര്‍ സര്‍വേ ഫലം. 40.1 ശതമാനം വോട്ടുകള്‍ നേടി യുപിഎക്ക് 16 സീറ്റുകള്‍ ലഭിക്കും. എന്നാല്‍ 19.7 ശതമാനം വോട്ട് നേടിയാലും എന്‍ഡിഎക്ക് ഒരു സീറ്റിലും വിജയിക്കാനാവില്ല. എല്‍ഡിഎഫിന് 29.3 ശതമാനം വോട്ടുകള്‍ മാത്രമെ ലഭിക്കുകയുള്ളൂ. **** ശബരിമലയില്‍ സുപ്രീംകോടതി വിധി പ്രകാരമുള്ള യുവതീ പ്രവേശനം നടപ്പിലാക്കാന്‍ ഒരു വര്‍ഷത്തെ സാവകാശം വേണമെന്ന് ഹൈക്കോടതി നിയോഗിച്ച നിരീക്ഷക സമിതി. അടിസ്ഥാന സൗകര്യങ്ങള്‍ അടക്കമുള്ളവ ഒരുക്കേണ്ടതുണ്ടെന്ന് സമിതി ഹൈക്കോടതിയില്‍ റിപ്പോര്‍ട്ട് നല്‍കി. ***** പ്രധാനമന്ത്രി നരേന്ദ്ര മോദിയുടെ മണ്ഡലമായ വാരണാസിയില്‍ അദ്ദേഹത്തിനെതിരെ പ്രിയങ്കാഗാന്ധി മത്സരിക്കണമെന്ന് ആവശ്യം. വാരണാസിയിലെങ്ങും ഈ ആവശ്യം ഉന്നയിച്ചുകൊണ്ടുള്ള പോസ്റ്ററുകള്‍ പ്രത്യക്ഷപ്പെട്ടതായി പി.ടി.ഐ വാര്‍ത്താ ഏജന്‍സി റിപ്പോര്‍ട്ടു ചെയ്തു.

ആത്മസംതൃപ്തിയുടെ സ്പർശം

പ്രളയാനന്തര കേരളത്തിന്റെ പുനര്‍നിര്‍മ്മാണത്തിന് നൈജീരിയയിലെ മലയാളികളുടെ കൈത്താങ്ങ്. കേരളസമാജം നൈജീരിയ സമാഹരിച്ച 41 ലക്ഷം രൂപ മുഖ്യമന്ത്രി പിണറായി വിജയന് കൈമാറി. തിരുവനന്തപുരത്ത് നടന്ന ചടങ്ങില്‍ സമാജം അധ്യക്ഷന്‍ ജോസഫ് ആന്റണി, ജനറല്‍ സെക്രട്ടറി ഷീജു പ്രഭാകരന്‍, ട്രഷറര്‍ ഉമേഷ് ഉദയഭാനു തുടങ്ങിയവരും  ഭാരവാഹികളായ അനന്തശിവറാം, ശാന്തി ശിവറാം എന്നിവരും പങ്കെടുത്തു.

പ്രളയദുരന്തമുണ്ടായ നാളുകളിലും തുടര്‍ദിവസങ്ങളിലും കേരള സമാജം നൈജീരിയ നടത്തിയ ദുരിതാശ്വാസ പ്രവര്‍ത്തനങ്ങളുടെ തുടര്‍ച്ചയാണ് ഈ സഹായം എന്ന് ഭാരവാഹികള്‍ പറഞ്ഞു. ഓണാഘോഷ പരിപാടികള്‍ അടക്കമുള്ളവ റദ്ദാക്കിക്കൊണ്ടാണ് ഈ തുക സ്വരൂപിക്കാന്‍ കഴിഞ്ഞതെന്നും ഭാരവാഹികള്‍ പറഞ്ഞു.

ജോലിക്കും മറ്റുമായി നൈജീരിയയില്‍ എത്തിയ ഒരുകൂട്ടം മലയാളികള്‍ ചേര്‍ന്ന് 2001ല്‍ ആരംഭിച്ച മലയാളി കൂട്ടായ്മയാണ് കേരള സമാജം നൈജീരിയ എന്ന് അധ്യക്ഷന്‍ ജോസഫ് ആന്റണി പറഞ്ഞു. മലയാളികളുടെ കലാകായിക സാംസ്‌കാരിക മുന്നേറ്റം ലക്ഷ്യമാക്കിയാണ് സമാജം പ്രവര്‍ത്തിക്കുന്നതെന്ന് ജനറല്‍ സെക്രട്ടറി ഷീജു പ്രഭാകരന്‍ വ്യക്തമാക്കി. കഴിഞ്ഞ വര്‍ഷം നൈജീരിയയില്‍ വച്ച് മരണമടഞ്ഞ കൊല്ലം സ്വദേശിയുടെ കുടുംബാംഗങ്ങള്‍ക്ക് 11 ലക്ഷം രൂപയുടെ സഹായം നല്‍കാന്‍ കഴിഞ്ഞതും ജോലിയില്‍ പ്രതിസന്ധി അനുഭവിച്ച ചിലര്‍ക്ക് നാട്ടിലേക്ക് മടങ്ങാന്‍ സഹായം നല്‍കാന്‍ കഴിഞ്ഞതുമൊക്കെ സമാജത്തിന്റെ നല്ല നേട്ടങ്ങളുടെ പട്ടികയിലുണ്ടെന്ന് ട്രഷറര്‍ ഉമേഷ് ഉദയഭാനു പറഞ്ഞു.

 

0 Comments

Leave a Comment

Login

Welcome! Login in to your account

Remember me Lost your password?

Lost Password