“മരക്കാർ അറബിക്കടലിന്റെ സിംഹം’ ട്രെയിലർ പുറത്തിറങ്ങി. ചിത്രം ഡിസംബർ 2ന് തീയേറ്ററിലെത്തും. മോഹൻലാലിന് പുറമെ, പ്രണവ് മോഹൻലാൽ, പ്രഭു, അർജുൻ, ഫാസിൽ, സുനിൽ ഷെട്ടി, മഞ്ജു വാര്യർ, കീർത്തി സുരേഷ്, കല്യാണി പ്രിയദർശൻ, നെടുമുടി വേണു, മുകേഷ്, സിദ്ദിഖ്, രഞ്ജി പണിക്കർ, ഹരീഷ് പേരടി തുടങ്ങിയവർ ചിത്രത്തിൽ അഭിനയിക്കുന്നു.
അഞ്ച് ഭാഷയിലായി പുറത്തിറങ്ങുന്ന ചിത്രം അമ്പതിലേറെ രാജ്യത്തെ 5000 സ്ക്രീനുകളിലാണ് പ്രദർശനത്തിനെത്തുന്നത്.അമ്പതിൽ അധികം രാജ്യങ്ങളിൽ റിലീസ് ചെയ്യുന്ന ആദ്യ മലയാള ചിത്രവും കൂടിയാവും മരക്കാർ.
ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ, ഡോക്ടർ റോയ്, സന്തോഷ് ടി കുരുവിള എന്നിവരാണ് ചിത്രം നിർമ്മിച്ചത്. സാബു സിറിള് ആണ് പ്രൊഡക്ഷന് ഡിസൈന്. ഛായാഗ്രഹണം എസ് തിരു. പ്രിയദര്ശനും അനി ഐ വി ശശിയും ചേര്ന്നാണ് തിരക്കഥയൊരുക്കിയിരിക്കുന്നത്.
