തിരഞ്ഞെടുപ്പ് ചട്ടങ്ങള് ലംഘിച്ച കുറ്റത്തിന് മുന് സിനിമാതാരവും ബി.ജെ.പി നേതാവുമായ ജയപ്രദയ്ക്കെതിരെ കോടതി കേസെടുത്തു. ജാമ്യമില്ല വകുപ്പ് പ്രകാരം ഉത്തര്പ്രദേശ് കോടതിയാണ് കേസെടുത്തിരിക്കുന്നത്. ഏപ്രില് 20ന് കേസില് വാദം ആരംഭിക്കും. ജയപ്രദ 2019ലെ ലോക്സഭാ തിരഞ്ഞെടുപ്പില് തിരഞ്ഞെടുപ്പ് ചട്ടങ്ങള് ലംഘിച്ചെന്നതാണ് ആരോപണം. ഈ തിരഞ്ഞെടുപ്പില് സമാജ് വാദി പാര്ട്ടി നേതാവ് അസം ഖാന് ജയപ്രദയെ തോല്പ്പിച്ചിരുന്നു.
