32 C
Kollam
Wednesday, November 25, 2020
Home News മോദി ആവശ്യപ്പെട്ടു, അമിത് ഷാ അനുസരിച്ചു, മഹാരാഷ്ട്രയില്‍ ബിജെപി നടത്തിയ ടോപ് സീക്രട്ട് ഓപ്പറേഷന്‍ ഇങ്ങനെ....

മോദി ആവശ്യപ്പെട്ടു, അമിത് ഷാ അനുസരിച്ചു, മഹാരാഷ്ട്രയില്‍ ബിജെപി നടത്തിയ ടോപ് സീക്രട്ട് ഓപ്പറേഷന്‍ ഇങ്ങനെ….

ഡല്‍ഹിയിലെ ബിജെപി ആസ്ഥാനത്തെ അഞ്ചാം നിലയിലെ അമിത് ഷായുടെ മുറിയിലും ലോക് കല്യാണ്‍ മാര്‍ഗിലെ നരേന്ദ്ര മോദിയുടെ ഔദ്യോഗിക വസതിയിലും തലേദിവസം നിര്‍ത്താതെ ഫോണുകള്‍ ചിലച്ചു കൊണ്ടിരുന്നു. മഹാരാഷ്ട്രയില്‍ ത്രികക്ഷി സര്‍ക്കാര്‍ അധികാരത്തില്‍ വരുന്നത് തടയിടുക, ദേവേന്ദ്ര ഫട്‌നാവിസിനെ വീണ്ടും മുഖ്യമന്ത്രിയായി സത്യപ്രതിജ്ഞ ചെയ്യിക്കുക ഇതു രണ്ടും മാത്രമായിരുന്നു ബിജെപിയുടെ ലക്ഷ്യങ്ങള്‍. നീക്കങ്ങള്‍ അതീവ രഹസ്യമായിരിക്കണമെന്നായിരുന്നു മോദി അമിത്ഷാക്ക് നല്‍കിയ നിര്‍ദേശം. അതുകൊണ്ട് തന്നെ മഹാരാഷ്ട്രയിലും ദില്ലിയിലും ഉളള ബിജെപിയുടെ ഉന്നത അധികാര കേന്ദ്രങ്ങള്‍ മാത്രം അറിഞ്ഞിട്ടുളളതായിരുന്നു ഈ കളി. ഫട്‌നാവിസിനെ വീണ്ടും മുഖ്യമന്ത്രിയാക്കുന്നതില്‍ തുടക്കത്തിലെ വിയോജിപ്പ് കാണിച്ചിരുന്ന അമിത്ഷായോട് മോദി പറഞ്ഞ ഒരേ ഒരു കാര്യം മഹാരാഷ്ട്ര നമുക്ക് നഷ്ടപ്പെടരുത് എന്നു മാത്രമായിരുന്നു. ഇതോടെ ബിജെപി സര്‍ക്കാര്‍ രൂപീകരണ നീക്കങ്ങള്‍ സജീവമാക്കി.

അങ്ങനെയാണ് മുഖ്യമന്ത്രി പദം ശിവസേനക്ക് വിട്ടു കൊടുക്കുന്നതില്‍ അതൃപ്തിയുള്ള അജിത് പവാറിനെ ചാക്കിലാക്കാനുള്ള ശ്രമം ബിജെപി തുടങ്ങുന്നതും. ശിവസേന-കോണ്‍ഗ്രസ്-എന്‍സിപി സഖ്യ ചര്‍ച്ചകള്‍ അന്ത്യഘട്ടത്തിലേക്ക് കടക്കവേ അമിത് ഷായുടെ വിശ്വസ്തന്‍ ഭൂപീന്ദര്‍ യാദവ് ദില്ലിയില്‍ നിന്നും മുംബൈയിലേക്ക് പറന്നിറങ്ങി. പിന്നീട് രഹസ്യ നീക്കങ്ങള്‍ക്ക് ചുക്കാന്‍ പിടിച്ചു. ഈ സമയം ഫട്നാവിസ് നിരന്തരം അജിത് പവാറിനെ ബന്ധപ്പെട്ട് കൊണ്ടേയിരുന്നു. വെള്ളിയാഴ്ച രാത്രി വരെ വര്‍ളിയിലെ നെഹ്രു സെന്ററില്‍ നടന്ന ചര്‍ച്ചകളില്‍ സജീവ സാന്നിധ്യമായിരുന്ന അജിത് പവാറിനെ ഭൂപീന്ദര്‍ യാദവ് ബന്ധപ്പെട്ടു. മാത്രമല്ല ഉപമുഖ്യമന്ത്രി സ്ഥാനവും വാഗ്ദാനം ചെയ്തു.

യോഗം കഴിഞ്ഞെത്തിയ അജിത് പവാര്‍ പുലര്‍ച്ചെ നാല് മണി വരെ ഫട്നാവിസുമായി ചര്‍ച്ച നടത്തി. ഒടുവില്‍ പിന്തുണയ്ക്കാന്‍ തീരുമാനം എടുക്കുകയായിരുന്നു. തുടര്‍ന്ന് ഓപ്പറേഷന്‍ വിജയിച്ചുവെന്ന് മനസ്സിലാക്കിയ ബിജെപി പ്രധാനമന്ത്രി നരേന്ദ്രമോദിയെ കൊണ്ട് സവിശേഷാധികാരം വിനിയോഗിച്ച് രാഷ്ട്രപതി ഭരണം പിന്‍വലിപ്പിച്ച് സത്യപ്രതിജ്ഞാ ചടങ്ങ് വേഗത്തില്‍ പൂര്‍ത്തിയാക്കുകയായിരുന്നു. അങ്ങനെ ഒറ്റരാത്രി കൊണ്ട് ഭരണം തിരിച്ചു പിടിച്ചു കോണ്‍ഗ്രസിനേയും എന്‍സിപിയേയും ശിവസേനയേയും അക്ഷരാര്‍ത്ഥത്തില്‍ ഞെട്ടിക്കുകയായിരുന്നു ബിജെപി.

LEAVE A REPLY

Please enter your comment!
Please enter your name here

Most Popular

00:04:23

ഓണാട്ട് കരയും ഓച്ചിറയും; സംസ്ക്കാരത്തിന്റെ സംസ്കൃതി

അപൂര്‍വ്വതയുള്ള സ്ഥലമാണ് ഓച്ചിറ. ശ്രീ കോവിലും നാലമ്പലവും ബലിക്കല്ലുകളും മറ്റുമുള്ള ഷഡ്ഡാധാര പ്രതിഷ്ട്ടകളോട് കൂടിയ ക്ഷേത്രങ്ങള്‍ രൂപം കൊള്ള്ന്നതിനു   മുമ്പ് കാവുകളായിരുന്നു കേരളത്തില്‍ ഉണ്ടായിരുന്നത്. സര്‍പ്പങ്ങള്‍ക്ക് മാത്രമായിരുന്നു കാവുകള്‍.ഭഗവതിക്കും ശാസ്താവിനും വേട്ടയ്ക്കൊരു മകനുമെല്ലാം...
00:22:42

കൊല്ലം കോർപ്പറേഷനിലെ ഏറ്റവും പ്രായം കുറഞ്ഞ സ്ഥാനാർത്ഥി;17-ാം ഡിവിഷനായ കടപ്പാക്കടയിലെ BJP സ്ഥാനാർത്ഥി

കൊല്ലം കോർപ്പറേഷനിലെ ഏറ്റവും പ്രായം കുറഞ്ഞ സ്ഥാനാർത്ഥി. 17-ാം ഡിവിഷനായ കടപ്പാക്കടയിലെ BJP സ്ഥാനാർത്ഥി. ജയിച്ച് വന്നാൽ ഡിവിഷനിൽ കൂടുതൽ വികസനങ്ങൾ നടപ്പിലാക്കും. വിജയത്തിൽ ശുഭാബ്ദി വിശ്വാസം

മണ്ഡല കാലം വരവായി; ശബരിമലയിൽ ഭക്തർക്ക് തിങ്കളാഴ്ച മുതൽ പ്രവേശനം

ഒരു മണ്ഡല കാലം കൂടി വരവായി. ശബരിമല നട തുറന്നു. ഭക്തർക്ക് തിങ്കളാഴ്ച മുതൽ(16.11.20) പ്രവേശനം. മുൻകൂട്ടി ബുക്ക് ചെയ്യുന്ന ആയിരം പേർക്ക് ദർശനാനുമതി. ശനിയും ഞായറും രണ്ടായിരമാകും. തീർത്ഥാടകർക്ക് കർശന നിയന്ത്രണമാണ് ഏർപ്പെടുത്തിയിട്ടുള്ളത്. സന്നിദ്ധാനത്തോ പമ്പയിലോ തങ്ങാൻ അനുമതിയില്ല. പുണ്യ...
00:02:56

കൊല്ലം കോർപ്പറേഷന്റെ ബീച്ചിനോട് ചേർന്നുള്ള ഗാന്ധി പാർക്ക് എല്ലാ അർത്ഥത്തിലും നാശം നേരിട്ടു കഴിഞ്ഞു; എല്ലാ കളിക്കോപ്പുകളും സ്ഥാപനങ്ങളും ദയനീയ അവസ്ഥയിൽ

കോവിഡിന്റെ വരവോടെ വിനോദ സഞ്ചാരികൾക്ക് ഗാന്ധി പാർക്കിൽ പ്രവേശനം നിരോധിച്ചതോടെ പാർക്ക് മൊത്തത്തിൽ അടച്ചിടുകയായിരുന്നു. പിന്നീട്, മാസങ്ങൾ പിന്നിട്ടതോടെ പാർക്കിലെ എല്ലാ വിനോദ ഘടകങ്ങളും ഏറ്റവും ദയനീയമായ അവസ്ഥയിൽ നാമാവശേഷമായി

Recent Comments

%d bloggers like this: