കനത്ത മഴയിൽ ഗംഗയിലെ ജലനിരപ്പ് ഉയർന്നതോടെ തീരത്ത് സംസ്കരിച്ചിരുന്ന മൃതദേഹങ്ങൾ വീണ്ടും നദിയിലെത്തി . ജലനിരപ്പ് ഉയർന്ന് മണൽ ഒലിച്ചുപോയതാണ് മൃതദേഹങ്ങൾ നദിയിലെത്താൻ കാരണം.
ആയിരക്കണക്കിന് മൃതദേഹങ്ങളാണ് കോവിഡ് രണ്ടാം തരംഗത്തിൽ ഗംഗതീരത്ത് സംസ്കരിച്ചിരുന്നത്. മൃതദേഹങ്ങൾ സംസ്കരിക്കുന്നതിന്റെ ഉത്തരവാദിത്തം വീണ്ടും മുനിസിപ്പൽ കോർപറേഷൻ രൂപീകരിച്ച സമിതി ഏറ്റെടുത്തു. ഉത്തർപ്രദേശിലെ പാപമു ഘട്ടിൽ മൂന്നാഴ്ചക്കിടെ രണ്ടാമതും സംസ്കരിച്ചത് നൂറിലധികം മൃതദേഹങ്ങളാണ് . വെള്ളിയാഴ്ച മാത്രം 11 മൃതദേഹങ്ങൾ സംസ്കരിച്ചു. വ്യാഴാഴ്ച 22 എണ്ണവും. മൃതദേഹങ്ങൾ നദിയിലേയ്ക്ക് വീണ്ടും എത്താതിരിക്കാൻ പൗരസമിതിയുടെ മേൽനോട്ടത്തിലാണ്
സംസ്കാരം. മലിനീകരണം ഒഴിവാക്കുന്നതിനായി പുറത്തുവരുന്ന മൃതദേഹങ്ങളുടെ സംസ്കാരം മുനിസിപ്പൽ കോർപറേഷൻ ഏറ്റെടുത്ത് നടത്തും.
