നിപാ ലക്ഷണത്തിന്റെ അടിസ്ഥാനത്തില് പൂനെ വൈറോളജി ഇന്സ്റ്റിറ്റ്യൂട്ടിലേക്ക് പരിശോധനയ്ക്കയച്ച എട്ടു പേരുടെ മൂന്ന് വീതം സാമ്പിളുകളാണ് വൈറോളജി ലാബിലേക്ക് അയച്ചത്.ഇതെല്ലാം നെഗറ്റീവാണെന്ന് ആരോഗ്യമന്ത്രി വീണ ജോർജ് പറഞ്ഞു. മരണപ്പെട്ട കുട്ടിയുടെ മാതാപിതാക്കളും ആരോഗ്യപ്രവര്ത്തകരും ഈ എട്ട് സാമ്പിളുകളില് ഉള്പ്പെടുന്നുണ്ട്. വളരെ അടുത്ത സമ്പര്ക്കമുണ്ടായിരുന്ന ഇവരുടെ ഫലം നെഗറ്റീവായത് ആശ്വാസകരമാണെന്നും മന്ത്രി പറഞ്ഞു. കോഴിക്കോട് മെഡിക്കല് കോളേജില് എന്ഐഡി പുനെയുടേയും മെഡിക്കല് കോളേജിന്റെയും സംയുക്താഭിമുഖ്യത്തില് ആരംഭിച്ച ലാബില് അഞ്ച് സാമ്പിളുകള് പരിശോധിക്കുന്നുണ്ട്. അതിന്റെ ഫലം ലഭിക്കാന് കുറച്ചുകൂടി സമയമെടുക്കുമെന്നും മന്ത്രി പറഞ്ഞു .
