കേരള കോണ്‍ഗ്രസ് നേതാവ് സ്‌കറിയ തോമസ് അന്തരിച്ചു. 65 വയസായിരുന്നു. കൊച്ചിയില്‍ ചികിത്സയില്‍ കഴിയവേയാണ് മരണം. കോവിഡ് ബാധിച്ച് രണ്ടാഴ്ചയായി ആശുപത്രിയിലായിരുന്നു . കോവിഡ് നെഗറ്റീവ് ആയെങ്കിലും ഫംഗല്‍ ന്യുമോണിയ തുടര്‍ന്ന് സ്ഥിതി ഗുരുതരമായി. ഇടതു മുന്നണി ഘടകകക്ഷിയായ കേരള കോണ്‍ഗ്രസ് (സ്‌ക്കറിയ) വിഭാഗം ചെയര്‍മാന്‍ ആയിരുന്നു.
രണ്ട് തവണ കോട്ടയം എം പി ആയിരുന്നു . കേരള കോണ്‍ഗ്രസിന്റെ ജനറല്‍ സെക്രട്ടറി, വൈസ് ചെയര്‍മാന്‍ പദവികളും വഹിച്ചു. കേരളാ സ്റ്റേറ്റ് എന്റര്‍പ്രൈസസ് ചെയര്‍മാന്‍ ആണ്. ക്നാനായ സഭ അസോസിയേഷന്‍ ട്രസ്റ്റി കൂടിയാണ്.
