കേരളാ സംസ്ഥാനത്ത് തീരപ്രദേശങ്ങളില് ശക്തമായ കാറ്റിന് സാധ്യത. ജൂലൈ എട്ടു മുതല് 10 വരെ കേരള-കര്ണാടക തീരത്തും, ലക്ഷദ്വീപ് പ്രദേശങ്ങളിലും മണിക്കൂറില് 40 മുതല് 50 കിലോമീറ്റര് വേഗതയില് വീശിയടിച്ചേക്കാവുന്ന കാറ്റിനു സാധ്യതയുണ്ടെന്നു കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി.
ഇന്നു മുതല് 10 വരെ തെക്കു പടിഞ്ഞാറന്, മധ്യ പടിഞ്ഞാറന് അറബിക്കടലിലും ജൂലൈ എട്ടിന് ബംഗാള് ഉള്ക്കടല്, കന്യാകുമാരി, ഗള്ഫ് ഓഫ് മാന്നാര് മേഖലകളിലും മണിക്കൂറില് 40 മുതല് 50 കി.മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനു സാധ്യതയുണ്ടെന്നു കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. ജൂലൈ ഒമ്പത്, 10 തീയതികളില് തമിഴ്നാട് തീരത്തും തെക്കന് ബംഗാള് ഉള്ക്കടലിലും മണിക്കൂറില് 40 മുതല് 50 കി.മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്നും കേന്ദ്ര കാലാവസ്ഥ വകുപ്പിന്റെ മുന്നറിയിപ്പുണ്ട്.
