രണ്ട് ഡോസ് കോവിഡ് വാക്സിന് സ്വീകരിച്ചവര്ക്ക് മാസ്ക് ധരിക്കുന്നതില് ഇളവ് ഏര്പ്പെടുത്തി അമേരിക്ക. മാസ്ക് ഒഴിവാക്കി ചിരിയിലൂടെ പരസ്പരം അഭിവാദ്യം ചെയ്യാനുള്ള അമേരിക്കകാരുടെ അവകാശം വീണ്ടെടുത്തുവെന്ന് പ്രസിഡന്റ് ജോ ബൈഡന് അറിയിച്ചു. ഇതൊരു നാഴികകല്ലാണെന്ന് എനിക്ക് തോന്നുന്നു. ഒരു മഹത്തായ ദിനം- വൈറ്റ് ഹൗസ് സന്ദേശത്തില് ബൈഡന് പറഞ്ഞു. വാക്സിന്റെ രണ്ട് ഡോസ് സ്വീകരിച്ചവര് മാത്രം മാസ്ക് ഒഴിവാക്കുന്നതിനെപ്പറ്റി ആലോചിച്ചാല് മതി. സെന്റര് ഫോര് ഡിസീസ് കണ്ട്രോളിന്റെ നിര്ദ്ദേശത്തെ തുടര്ന്നാണ് ഈ തീരുമാനം. ഇനിയും വാക്സിനേഷന് പൂര്ത്തിയാക്കാത്തവര് മാസ്കുകള് നിര്ബന്ധമായി ധരിക്കണമെന്നും ബൈഡന് കൂട്ടിച്ചേര്ത്തു
