കടുത്ത സാമ്പത്തിക പ്രതിസന്ധിക്കിടയിലും പണം ലാഭിഷായി ധൂര്‍ത്തടിച്ച് പിണറായ് സര്‍ക്കാര്‍. മുഖ്യമന്ത്രിയുടെ വെബ്സൈറ്റ് പരിപാലിക്കാന്‍ മാത്രം ഇതുവരെ ചിലവ് വന്നത് രണ്ടര കോടി രൂപ. മുഖ്യമന്ത്രിയുടെ ഔദ്യോഗിക വെബസ്റ്റിന്റെയും സോഷ്യല്‍ മീഡിയ അക്കൗണ്ടുകളുടെയും നടത്തിപ്പിന് വേണ്ടി 10 കോടി രൂപയാണ് സി-ഡിറ്റിന് നല്‍കിയിരിക്കുന്നത്.
സാമ്പത്തിക പ്രതിസന്ധിയില്‍ മുങ്ങുമ്പോഴും വെബ്സൈറ്റിന് ചെലവാക്കാന്‍ കോടികളിറക്കി മുന്നോട്ട് പോകുന്ന സര്‍ക്കാറിന് നേരെ പലഭാഗത്ത് നിന്നും വിമര്‍ശനങ്ങള്‍ നേരിടുന്നുണ്ട്. മുഖ്യമന്ത്രിയുടെയും മറ്റുമന്ത്രിമാരുടെയും വെബ്സെറ്റുകള്‍ തയ്യാറാക്കാന്‍ 24,84,000 രരൂപയാണ് ആദ്യം ചെലവാക്കിയത്. എന്നിട്ടു പോലും ഈ വെബ്സൈറ്റുകളില്‍ കാര്യമായ അപ്ഡേഷന്‍ നടക്കാത്തതും വിമര്‍ശനങ്ങള്‍ക്കിടയാകുന്നുണ്ട്. വെബ്സൈറ്റ് പരിപാലനത്തിനായി രണ്ടു തവണയാണ് പണം അനുവദിച്ചത്.
