ബിജെപി കേരളനടനം തള്ളു പറയലില്‍ ഒന്നാമനായിരുന്നു മേജര്‍ രവി. ഗ്രേസ് മാര്‍ക്ക് കൂട്ടി സംഘി കിടാക്കളെ ചാനല്‍ പരീക്ഷ പാസ്സാക്കിയതിനു പിന്നിലും മേജര്‍ രവിയുടെ പങ്ക് ശ്ലാഘനീയമാണ്. ഇതിനിടെ എപ്പോഴോ അദ്ദേഹത്തിന് ഒരു ഉള്‍വിളി വന്നു സംഘികളുടെ താമര വിരിയുന്നത് കുളത്തിലല്ലേ അത് നുള്ളി നോവിക്കാന്‍ ഒരു കൈ വേണം. അന്ന് ബോധി വൃക്ഷ ചോട്ടിലെത്തിയ അദ്ദേഹത്തിന് ബോധോധയം ഉണ്ടായി . അദ്ദേഹം പറഞ്ഞു മോദിയുടെ അരിയും പഞ്ചസാര കിറ്റും എനിക്കു വേണ്ട .
രാഹുല്‍ ഗാന്ധിയുടെ കെന്റകി ചിക്കന്‍ മതി. അങ്ങനെ മേജര്‍ രവി കോണ്‍ഗ്രസില്‍ ചേര്‍ന്നു. മേജര്‍ രവിയുടെ കൊഴിഞ്ഞ് പോക്ക് വസന്തത്തില്‍ വിരിഞ്ഞ താമര കുട്ടന്‍മാര്‍ക്ക് തിരിച്ചടിയായെന്ന് തന്നെ പറയാം. മോദിയുടെ കടുത്ത ആരാധകന്‍ എന്ന് സ്വയം വിശേഷിപ്പിച്ചു നടന്നിരുന്ന മേജറിനെ ചാക്കിട്ടു പിടിച്ചെന്ന് അവര്‍ പരസ്പരം പറഞ്ഞ് ആശ്വസിച്ചു. ഇടതില്‍ കളി പടിച്ച് ബിജെപിക്ക് കളി പടിപ്പിച്ച് യുഡിഎഫില്‍ കന്നി ടെസ്റ്റില്‍ ആദ്യമായി അരങ്ങേറ്റം കുറിച്ചിരിക്കുകയാണ് മേജര്‍ രവി. മേജര്‍ രവി ഇങ്ങള് പുലിയാണ് രാഷ്ട്രീയ ഋതു ഭേദങ്ങള്‍ക്കനുസരിച്ച് നിറം മാറുന്ന ഒരു മാസ് ടൈഗര്‍.
