മന്ത്രി വീണാ ജോര്ജുമായി ക്യൂബന് അംബാസഡര് അലജാന്ദ്രോ സിമന്കാസ് മാരിന് കൂടിക്കാഴ്ച നടത്തി. കേരളത്തിന്റെ ആരോഗ്യ മേഖലയെ അംബാസഡര് അഭിനന്ദിച്ചു.കൊവിഡ് മഹാമാരിയെ ക്യൂബ നേരിട്ട വിധം അംബാസഡര് വിവരിച്ചു. പ്രാഥമികാരോഗ്യ തലത്തിലെ മികച്ച പ്രവര്ത്തനങ്ങളാണ് കൊവിഡിനെ പ്രതിരോധിക്കാന് സഹായിച്ചത്. കേരളത്തിലും പ്രാഥമികാരോഗ്യ തലം ശക്തമാണ്.കൊവിഡ്, നിപ തുടങ്ങിയ പകര്ച്ചവ്യാധികളെ ഫലപ്രദമായി നേരിടാനായത് ഇത്തരം ആരോഗ്യ അടിത്തറയാണ്. ആരോഗ്യ രംഗത്ത് സഹകരിക്കാന് പറ്റുന്ന മേഖലയില് സഹകരിക്കുമെന്ന് അദ്ദേഹം പറഞ്ഞു. കുടുംബ ഡോക്ടര് പദ്ധതി, റഫറല് സംവിധാനങ്ങള്, വാക്സിന്, മരുന്ന് ഉദ്പാദനം, ജീവിതശൈലീ രോഗ നിയന്ത്രണം, മെഡിക്കല് വിദ്യാഭ്യാസം മേഖലകളില് സഹകരിക്കുമെന്നും അംബാസഡര് പറഞ്ഞു.
ഡല്ഹിയിലെ കേരള സര്ക്കാരിന്റെ ഓഫിസര് ഓണ് സ്പെഷ്യല് ഡ്യൂട്ടി ഡോ. വേണു രാജാമണി, ആരോഗ്യ വകുപ്പ് പ്രിന്സിപ്പല് സെക്രട്ടറി ടിങ്കു ബിസ്വാള്, എസ്.എച്ച്.എസ്.ആര്.സി എക്സി. ഡയറക്ടര് ഡോ. ജിതേഷ് പങ്കെടുത്തു.
