വണ്ടിപ്പെരിയാറിന് അടുത്തുള്ള എസ്റ്റേറ്റിലെ ആറുവയസ്സുകാരിയുടെ മരണം കൊലപാതകമെന്ന് തെളിഞ്ഞതിനുപിന്നാലെ, പ്രതി കുട്ടിയെ രണ്ടുവർഷമായി ക്രൂര ലൈംഗികാതിക്രമത്തിന് ഇരയാക്കിയിരുവെന്ന് പോലീസ് പറഞ്ഞു.
കുട്ടിയുടെ കഴുത്തിൽ ഷാളിട്ട് കുരുക്കി കെട്ടിത്തൂക്കുകയായിരുന്നുവെന്ന്, പ്രതിയായ അർജുൻ പോലീസിന് മൊഴി നൽകി. പ്രതിയായ അർജുൻ(21) കഴിഞ്ഞമാസം 30-നാണ് എസ്റ്റേറ്റിലെ മുറിക്കുള്ളിൽ വാഴക്കുല കെട്ടിയിടുന്ന കയറിൽ ഷാളുപയോഗിച്ച് കുട്ടിയെ ലൈംഗിക പീഡനത്തിനുശേഷം കെട്ടിത്തൂക്കിയത്. അസ്വാഭാവികമരണത്തിന് അന്നുതന്നെ കേസെടുത്തിരുന്നെങ്കിലും പീഡനവിവരം അറിയുന്നത് പോസ്റ്റുമോർട്ടത്തിന് ശേഷമാണ്. പ്രതിയെ വൻ പോലീസ് സുരക്ഷയിലാണ് തെളിവെടുപ്പിനായി ലയത്തിൽ കൊണ്ടുവന്നത് . നാട്ടുകാർ അക്രമാസക്തരായതോടെ പെട്ടന്നുതന്നെ തെളിവെടുപ്പ് നടത്തി പോലീസ് സംഘം
പ്രതിയെയും കൊണ്ട് മടങ്ങുകയായിരുന്നു.
