രണ്ടാം നിലയിലെ കുളിമുറിയിൽ നിന്ന് തന്റെ നവജാത ശിശുവിനെ വലിച്ചെറിഞ്ഞ സംഭവത്തില് പതിനാറുകാരിക്കെതിരെ മുംബൈ പോലീസ് കേസ് എടുത്തു. മുംബൈ വിരാറിലെ വീടിന്റെ രണ്ടാം നിലയിലുള്ള കുളിമുറിയിൽ നിന്നാണ് നവജാത ശിശുവിനെ പതിനാറുകാരി വലിച്ചെറിഞ്ഞത്. 22 കാരനായ യുവാവില് നിന്നാണ് പെണ്കുട്ടി ഗര്ഭിണിയായത്. എന്നാല് അയഞ്ഞ വസ്ത്രങ്ങള് ധരിച്ച് ഗര്ഭം പെണ്കുട്ടി വീട്ടുകാരില് നിന്ന് മറച്ചുവച്ചുവെന്നാണ് മാധ്യമങ്ങളോട് മുംബൈ പോലീസ് പറഞ്ഞത്.
കുളിമുറിയില് വച്ച് കുഞ്ഞിനെ പ്രസവിച്ച ശേഷം വീട്ടുകാര് അറിയാതിരിക്കാനായി ജനലിലൂടെ നവജാത ശിശുവിനെ താഴേയ്ക്ക് എറിയുകയായിരുന്നു. ചൊവ്വാഴ്ച രാവിലെ 11 മണിയോടെയായിരുന്നു സംഭവം. കെട്ടിടത്തിന് വെളിയില് നവജാതശിശുവിനെ കണ്ട നാട്ടുകാര് പോലീസില് വിവരം അറിയിക്കുകയായിരുന്നു.
ശിശുവിനെ ആശുപത്രിയിലെത്തിച്ചെങ്കിലും മരിച്ചിരുന്നു. നവജാത ശിശു ആരുടേതാണെന്ന് കണ്ടെത്താന് പോലീസ് അന്വേഷണം നടത്തുകയായിരുന്നു.
കെട്ടിടത്തിലെ വീടുകളില് മൂന്ന് ഗര്ഭിണികള് ഉണ്ടെങ്കിലും ആരും തന്നെ കെട്ടിടത്തിന് പുറത്ത് പോയെന്ന് കണ്ടെത്താന് പോലീസ് കഴിഞ്ഞില്ല. ഇതിനിടയിലാണ് പതിനാറുകാരിയുടെ കുളിമുറിയിലും ജനലിലും
പോലീസ് രക്തക്കറ കണ്ടെത്തിയത്. ചോദ്യം ചെയ്യലില് പതിനാറുകാരി കുറ്റം നിഷേധിച്ചുവെങ്കിലും ഗൈനക്കോളജിസ്റ്റിന്റെ സഹായത്തോടെ പോലീസ് സത്യം കണ്ടെത്തുകയായിരുന്നു. പതിനാറുകാരിക്കെതിരെ കൊലപാതക്കുറ്റം ചുമത്തിയ പോലീസ് പെണ്കുട്ടിയെ ഗര്ഭിണിയാക്കിയ 22 കാരനെതിരെ പോക്സോ കുറ്റം ചുമത്തി കേസെടുത്തു.
![](https://samanwayam.com/wp-content/uploads/2021/11/logo.png)