26.9 C
Kollam
Tuesday, September 28, 2021
HomeMost Viewedപുതിയ ഫീച്ചറുമായി വാട്ട്സ്ആപ്പ്

പുതിയ ഫീച്ചറുമായി വാട്ട്സ്ആപ്പ്

- Advertisement -
- Advertisement -

ലാസ്റ്റ്​ സീനും പ്രൊഫൈൽ ചിത്രവും ഇനി ചിലരിൽ നിന്ന് മാത്രമായി​ മറച്ചുവെക്കാം. വാട്​സ്​ആപ്പിൽ ഒരാൾ ​അവസാനം ഓൺലൈനിലുണ്ടായിരുന്ന സമയം സൂചിപ്പിക്കുന്നതിനായുള്ള ഓപ്ഷനാണ്​ ലാസ്റ്റ്​ സീൻ. യൂസർമാരുടെ ചാറ്റിംഗ് ടാബിന്‍റെ മുകളില്‍ പേരിന് താഴെയാണ് ​ലാസ്റ്റ്​ സീൻ ദൃശ്യമാകുന്നത്​.
ഈ ഫീച്ചർ താൽപര്യമില്ലാത്തവർക്കായി അത്​ അപ്രത്യക്ഷമാക്കാനുള്ള സൗകര്യവും വാട്​സ്​ആപ്പ്​ നൽകിയിരുന്നു. എന്നാൽ, ‘ലാസ്റ്റ്​ സീൻ സ്റ്റാറ്റസ്​’ മറച്ചുവെക്കാനായി വാട്​സ്​ആപ്പ്​ ആദ്യം നൽകിയ സൗകര്യത്തിന്​ ചില ​പോരായ്​മകളുണ്ടായിരുന്നു. കോൺടാക്​ടിലുള്ള മുഴുവൻ ആളുകൾക്കും ലാസ്റ്റ്​ സീൻ സ്റ്റാറ്റസ്​ കാണാൻ സാധിക്കില്ല എന്നതായിരുന്നു അതിന്റെ പ്രശ്​നം. എന്നാൽ, അതിന്​ പരിഹാരവുമായാണ് വാട്​സ്​ആപ്പ്​ രംഗത്തെത്തിയിരിക്കുന്നത്​.
വരാനിരിക്കുന്ന വാട്​സ്​ആപ്പ്​ അപ്​ഡേറ്റിലൂടെ ഇനി ചിലരിൽ നിന്ന് മാത്രമായി​ ലാസ്റ്റ്​ സീൻ സ്റ്റാറ്റസും പ്രൊഫൈൽ ചിത്രവും മറച്ചുവെക്കാം. പ്രൈവസി സെറ്റിങ്സിലെ ലാസ്റ്റ്​ സീൻ ഓപ്​ഷനിൽ പോയാൽ ദൃശ്യമാകുന്ന എവരിവൺ, മൈ കോണ്ടാക്ട്സ്, നോബഡി എന്നീ പ്രൈവസി ഫീച്ചറുകൾക്കൊപ്പം പ്രത്യേക കോൺടാക്ടുകളിൽ നിന്ന്​ മാത്രമായി വിവരങ്ങൾ മറച്ചുവെക്കാനായി ‘മൈ കോണ്ടാക്ട്സ് എക്സെപ്റ്റ്’ എന്നൊരു പുതിയ പ്രൈവസി ഫീച്ചറും വാട്​സ്​ആപ്പ്​ ചേർത്തേക്കും.
നിലവിൽ ഈ പുതിയ സവിശേഷത പരീക്ഷണ ഘട്ടത്തിലാണ്. വരാനിരിക്കുന്ന അപ്ഡേഷനിൽ പുതിയ ഫീച്ചറുകൾ ഉൾപ്പെടുത്തുമെന്നാണ് റിപ്പോർട്ടുകൾ.

- Advertisement -
- Advertisement -

Leave a Reply

- Advertisment -

Most Popular

- Advertisement -

Recent Comments