വര്ക്കല ശിവഗിരി മുന് മഠാധിപതി സ്വാമി പ്രകാശാനന്ദ അന്തരിച്ചു. 99 വയസായിരുന്നു. വൈകീട്ട് 5 മണിക്ക് സമാധിയിരുത്തുമെന്ന് മഠം അധികൃതര് അറിയിച്ചു. ദീര്ഘനാള് ശിവഗിരി ശ്രീനാരായണ ധര്മസംഘം ട്രസ്റ്റ് പ്രസിഡന്റായിരുന്നു. ഇരുപത്തിരണ്ടാം വയസ്സില് ശിവഗിരിയിലെത്തിയ പ്രകാശാനന്ദ, 1977ല് ജനറല് സെക്രട്ടറിയായും 2006 മുതല് പത്തുവര്ഷം ട്രസ്റ്റ് അധ്യക്ഷ ചുമതലയും വഹിച്ചു. 1922 ഡിസംബറിലായിരുന്നു ജനനം.
