കേന്ദ്ര ബജറ്റിനെതിരെയും വിലക്കയറ്റത്തിനെതിരെയും പ്രതിഷേധിച്ചു കേന്ദ്രസര്‍ക്കാരിനെതിരെ ശക്തമായ പ്രക്ഷോഭം ദില്ലിയില്‍ അരങ്ങേറി.
ഇടത് പാര്‍ട്ടികളുടെ നേതൃത്വത്തില്‍ നടന്ന പാര്‍ലമെന്റ് മാര്‍ച്ചില്‍ സിപിഐഎം, സിപിഐ, ഫോര്‍വേഡ് ബ്ലോക്ക്, ആര്‍എസ്പി ഉള്‍പ്പെടെ 7 ഇടതുപാര്‍ട്ടികള്‍ പങ്കെടുത്തു. നിര്‍മല സീതാരാമന്‍ പ്രഖ്യാപിച്ച പദ്ധതികള്‍ രാജ്യത്തിന്റെ സമ്പദ്വ്യവസ്ഥയെ ദോഷകരമായി ബാധിക്കുമെന്ന് സിപിഐഎം പോളിറ്റ് ബ്യൂറോ അംഗം പ്രകാശ് കരാട്ട് ചൂണ്ടികാട്ടി. തികച്ചും ജനദ്രോഹപരമായതും, കോര്‍പറേറ്റുകള്‍ക്ക് വേണ്ടിയുള്ളതുമാണ് ബഡ്ജറ്റ് എന്ന് സിപിഐ ജനറല്‍ സെക്രട്ടറി ഡി രാജയും വിമര്‍ശിച്ചു.
